Canakyus
Cāṇakyus vel Cāṇakya (Devanagari: चाणक्यः ; c. 350–283 a.C.n.) fuit consiliarius et primus minister[1] Candraguptae, primi Imperii Mauryani imperatoris, cuius ascensum ad dominationem duxit. Kauṭilyus et Viṣnuguptus, nomina quibus Arthaśāstra, antiquus tractatus civilis Indicus, suum auctorem nominat, Cāṇakyi usitate tribuuntur.[2] Cāṇakyus habetur praecursor in disciplinis oeconomica et scientia politica.[3][4][5][6] In Occidenti, appellatus est Maclavellum Indicum, sed libri Cāṇakyilibros Maclavalli circa 1800 annos ante anteiverunt.[7] Cāṇakya in Takṣaśila, antiqua dogmatis sede, docebat, et auxilium ad creationem Imperii Mauryani dedit, primum imperium in subcontinente Indico constitutum.
Index |
[recensere] Opera
Duo Cāṇakyo tribuuntur libri: Arthaśāstra et Nītiśāstra, etiam appellatus Cāṇakya Niti. Arthaśāstra de singulis tractat propositorum monetariorum fiscaliumque, auxiliorum ad aerarium pertinens, negotiorum inter civitates, et artis belli gerendi. Nītiśāstra tractat perfectam vitae viam, et Cāṇakyi studium culturae Indicae patefacit. Cāṇakyus "nītisūtrā" ("dicta, breves sententias") evolvit, 455 sutras quae mores hominum ordinare proponunt, quorum circa 216 rājanīti, regulas ad administrandum regnum, perstringunt. Cāṇakyus ut videtur his sutris usus est ad parandum Chandraguptam aliosque discipulos in arte imperii regnandi.
[recensere] Fortuna
Opera Cāṇakyi prope finem Imperii Guptani amissa sunt; iterum inventa sunt anno 1905 a Rudrapatnam Shamasastry bibliothecario Indico, qui ea anno 1909 divulgavit et anno 1915 Anglice vertit; post quem annum editiones et versiones plurimae confectae sunt. Saepimentum diplomaticum in Novo Dellio appellatur Cāṇakyapuri eius honori.
[recensere] Vide etiam
[recensere] Nota
- ↑ "Kautilya aliquando appellatur cancellarius vel primus minister Chandraguptae, aliquantum sicut Bismarck" (Boesche 2003).
- ↑ Mabbett, I. W. (April 1964). "The Date of the Arthaśhāstra". Journal of the American Oriental Society (American Oriental Society) 84 (2): 162–169.
- ↑ L. K. Jha et K. N. Jha, 1998, "Chanakya: the pioneer economist of the world", International Journal of Social Economics 25(2–4):267–282.
- ↑ C. Waldauer, W. J. Zahka, et S. Pal, 1996, "Kautilya's Arthashastra: A neglected precursor to classical economics," Indian Economic Review, 31(1):101–108.
- ↑ C. Tisdell, (2003), "A Western perspective of Kautilya's Arthasastra: does it provide a basis for economic science?" Economic Theory, Applications and Issues Working Paper No. 18. Brisbane: School of Economics, The University of Queensland.
- ↑ B. S. Sihag, 2007, Kautilya on institutions, governance, knowledge, ethics and prosperity. Humanomics 23(1): 5–28.
- ↑ Herbert H. Gowen, 1929, "'The Indian Machiavelli' and in a much more conventional world; or Political Theory in India Two Thousand Years Ago," Political Science Quarterly 44(2):173-192.
[recensere] Nexus externi
- Versio Nitisastrae apud situm philosophy.ru (Anglice)
- Versio Arthasastrae idem apud Vicifontem apud situm bharatadesam.com(Anglice)
- Fragmenta Arthasastrae apud situm wsu.edu (Alia) (Anglice)
- Studia Arthasastrae apud situm hinduism.co.za
- Philosophia et Biographia apud situm worldofbiography.com
- Cāṇakya TV Serial Online apud situm intellectualhinduism.blogspot.com
[recensere] Bibliographia
- Boesche, Roger. 2003. "Kautilya's Arthaśāstra on War and Diplomacy in Ancient India." The Journal of Military History 67(1):9–37. ISSN 0899-3718.
- Mabbett, I. W. 1964. "The Date of the Arthaśhāstra." Journal of the American Oriental Society 84(2):162–169. ISSN 0003-0279.
- Rangarajan, L. N., conv. 1987. Kautilya: The Arthashastra edited, rearranged, translated and introduced. Novi Dellii: Penguin Books. ISBN 0-14-044603-6.
- O. Stein. 1922. Megasthenes und Kautilya. Vindobonae: Hölder.
