Asia Meridiorientalis
Asia Meridiorientalis comprehendit:
- continentalis Asiae regio nomine Paeninsulae Indosinensis nota, quae ab India oriente versus et a Serica meridie versus procedit;
- insularum catena magnarum necnon parvarum, olim Indias Orientales nuncupata, quae inter oceanos Indicum et Pacificum iacent et ab extremitate Asiae usque ad septentrionalia Australiae litora extenduntur.
Haec regio, partim continentalis, partim insularis, res publicas Birmaniam, Bruneium, Cambosiam, Indonesiam, Laotiam, Malaesiam, Philippinas, Singapuram, Thailandiam, Timoriam Orientalem, Vietnamiam comprehendit.
Limes inter Asiam Meridiorientalem et Australasiam politicus insulam Novam Guineam dividit, provincia Papua Indonesiae ad latus occidentale iacente, rem publicam Papuam Novam Guineam ad orientale. Limes zoogeographicus, quem primus descripsit Alfredus Russel Wallace, Indias Orientales vel archipelagum Malaium permeat.
Index |
Nomina [recensere]
Nomen Asiae Meridiorientalis originem admodum novellum habet; anno enim 1943 socii Bellum gerentes Orbis Terrarum II, praecipue Anglice loquentes, directionem statuerunt exercituum in hac regione pugnantes nomine South East Asia Command, scilicet 'Asiae Orientalis Meridionalis Directio'. Regionem continentalem antea varia nomina designaverant, inter quae Suvarnabhumi, Chersonesus Aurea, Indosina. In regione insulari seu Indiis Orientalibus, Archipelagus Malaius et Archipelagus Philippinus separatim recognoscuntur.
Historia [recensere]
Asiam Meridiorientalem iam ante migrationes speciei Hominis sapientis antiquissimas alii stirpes eiusdem generis incolebant, videlicet Homo erectus et Homo floresiensis.
