Anscharius Schindler

E Vicipaedia
Salire ad: navigationem, quaerere
Anscharius Schindler
Oskar Schindler
Anscharius Schindler
Natus 28 Aprilis 1908
Svitavia
Obiit 9 Octobris 1974
Hildesheim

Anscharius (Oskar) Schindler fuit homo negotiorum Germanicus qui secundo bello mundano vitas servavit multorum Iudaeorum qui in officina eius operabantur, simulans eos magni momenti esse ad bellum vincendum. De vita eius Thomas Keneally, scriptor Australianus, librum Schindler's List inscriptum scripsit, ad quem anno 1993 pellicula eiusdem nominis directa est.

Fabrica Cracoviae Anscharii Schindler Deutsche Emailwaren-Fabrik vel D.E.F. appellata

Biographia[recensere | fontem recensere]

Sepulcrum Anscharii Schindler in Hierosolyma

Anscharius Schindler familia Germanica lingua loquenti natus est die 28 Aprilis 1908 Svitaviae[1] in Moravia (tunc in Austria-Hungaria, nunc in Cechia).

In Cracovia pervenit ubi fabricam ollarum appellatam D.E.F. (Theodisce: Deutsche Emailwaren-Fabrik) emit et multos (de aliis 1 100, de aliis 1 200) Iudaeos laboratores assumpsit. In principio Anscharius egit lucri causa sed, cum milites Factionis Nationalis Socialisticae inceperunt Iudaeos vexare et trucidare, is cepit defendere laboratores suos.

Anno 1942 milites Hitleriani adorti sunt contra "Ghetto" sive partes urbis, in quibus Iudaei maxime erant concidendo atque in carceralibus castris deportando. Schindler cum Amon Göth, duce castrorum carceralium Cracoviae-Plaszow, convenit ut 900 laboratores Iudaeos transferret in fabrica sua castris adiacente, quo in loco facti sunt tuti a militum vexationibus.

Quia exercitus Russiae per territorium Germanicum promovebat, multa castrorum carceralium sunt diruta et captivi occisi. Schindler fecit ut circiter 1 100 Iudaei ferrentur in fabrica castrorum Gross-Rosen appellatorum, in Brunnlitz (hodie Brnenec). Quo modo vitas servavit usque ad belli finem amplius mille Iudaeorum, sed effugere debuit propter suam assensionem, quam semper is aborruit, Factioni Nationali Socialisticae.

Post bellum in Argentinam pervenit ubi nonnulla negotia quae male evenerunt incepit. In Germania a.D. 1958 rediit et in 1961, anno in quo se Israelem contulit, optime acceptus est in Hierosolyma a 200 superstitibus. Die 18 Iulii 1967 ab Israele Schindler factus est "Vir iustus inter civitates".

Obiit in Hildesheim, Germania, die 9 Octobris 1974. Corpus eius transtulerunt in coemeterio catholico in Hierosolyma.

Vide etiam[recensere | fontem recensere]

Notae[recensere | fontem recensere]

  1. Franciscus Forberger Fecit Lotschnaviae Prope Svitaviam

Nexus externi[recensere | fontem recensere]

Commons-logo.svg Vicimedia Communia plura habent quae ad Anscharium Schindler spectant.