Flumen

Vide etiam paginam discretivam: Flumen (discretiva)

Murray flumen

Flumen (-inis, n.) seu fluvius seu amnis est aqua quae fluit inter duas ripas. Nomen fluminis a verbo fluere deducitur. Flumen fontem saepe habet in montibus; descendit clivos, et in alterum flumen vel in mare influit. Cum duo flumina iungantur, dicuntur confluere. Parva flumina rivi appellantur.

Flumen aut fluvius?

Dixit Isidorus in hoc modo: "DE FLUMINIBUS. Fluvius est perennis aquarum decursus, a fluendo perpetim dictus. Proprie autem flumen ipsa aqua, fluvius cursus aquae. Prius autem flumen quam fluvius, id est prior aqua quam decursus." (litterae inclinatae adduntur)

Fluxus

Fluxus fluminis est quantitas aquae fluentis. Fluxus pendet ex altitudine fluminis, clivo, spatio inter ripas, velocitate aquae, imbribus, statu riparum et elementis quae obstant.

Fons

Omnes conveniunt fontem fluminis situm esse in maximo transitu aquae. In confluentia loco, flumen minus dicitur influere in maius.

Vide etiam

• Fluminis fons
• Fluminis ostium
• Flumen influens
• Index fluminum

Notae