Vallis vere inundata
Vallis vere inundata[1], vel alveus maior[2] vel planities inundationis, est conformatio terrestris, quae secundum ripas fluminis extenditur; demissio humida est, quae tempore eluvionis vernae inundatur. Saepe maeandris et bracchiis caecis abundat. Prata inundata[3], ad pecuda pascenda optima, late per valles inundatas stratae sunt; interdum et silvae humiles (e.g. saliceta) hic crescunt. Ripa ipsa saepe altior est, quam vallis inundatae pars principalis; nam sedimenta alluvialia hic congeruntur. Valles inundatae antiquiores interdum terrassas, quasi gradus, a flumine ascendentes, faciunt.
Notae[recensere | fontem recensere]
- ↑ M. Kirpicznikov et N. Zabinkova, Lexicon Rossico-Latinum in usum botanicorum, Leninopoli 1977, s.v. Пойма.
- ↑ Cf. lit majeur Francogallicum.
- ↑ M. Kirpicznikov et N. Zabinkova, Lexicon Rossico-Latinum in usum botanicorum, Leninopoli 1977, s.v. заливной луг.
Bibliographia[recensere | fontem recensere]
- Powell, W. Gabe. 2009. Identifying Land Use / Land Cover (LULC) Using National Agriculture Imagery Program (NAIP) Data as a Hydrologic Model Input for Local Flood Plain Management. Applied Research Project, Texas State University. Situs interretialis.
Nexus externi[recensere | fontem recensere]
- De vallibus inundatis (Britannica) (Anglice)
- De vallibus inundatis (Encyclopaedia Russica magna) (Russice)
- De vallibus inundatis (Encyclopaedia Norvegica) (Norvegice)