Petschora
| Longitudo | 1809 chm |
|---|---|
| Altitudo fontis | 2050 m |
| Decursus aquae | 4100 (in ostio) m³/s |
| Area systematis | 322 000 chm² |
| Fons | Urales septentrionales |
| Ostium | Mare Barentsianum |
| Regio | Res publica Komi, districtus Neneticus |
Vide etiam paginam discretivam: Petschora (discretiva)
Petschora[1] (Russice Печора, Pečora, Komi Печӧра, Nenetice Санэро’’ яха) est flumen in parte septentrionali Russiae Europaeae, in re publica Komi et districtu (circulo) autonomo Nenetico Foederationis Russicae.
In montibus Uralibus septentrionalibus incipit; tantum anno 1981 ab expeditione Ioannis Prosvirnin fons inventus est. 1809 chm patet. Per montes primo fluit; partem itineris sui maximam per taigam et per silvas intactas Komienses transit et fluxum inferiorem per tundram facit. In cornua duo, Petschoram Maiorem et Minorem, 130 chm ab ostio dividitur, prope Ripam Albam urbem delta format et in sinum Petschorensem maris Barentsiani effunditur.
Ad Petschoram sitae sunt urbs eiusdem nominis (ad rem publicam Komi pertinens) atque urbs Ripa Alba (sedes administrativa districtus autonomi Nenetici). Pustoosero ad Petschoram situm erat. Tributarii Petschorae Czilma, Ussa, Stzuchogora, Potzscheriema[2] sunt.
Notae[recensere | fontem recensere]
- ↑ Atlas Russicus, p. 7; Norae Zabinkovae et Moysis Kirpicznikov Nomina physico-geographica principalia URSS s.v. Печора. Sive Petzora (Iohannes Iacobus Hofmannus, Lexicon universale (1698) ~, tomus 3., p. 693), Peczora (Kirpicznikov).
- ↑ Sigismundi Herbersteinii Rerum Moscoviticarum commentarii, Antverpiae 1557, p. 87.
Nexus externi[recensere | fontem recensere]
|
Vicimedia Communia plura habent quae ad Petschoram spectant. |
|
Situs geographici et historici: Locus: 62°12′6″N 59°25′55″E, 68°18′27″N 54°25′0″E • OpenStreetMap • GeoNames • Store norske Lexikon • Большая российская энциклопедия • Encyclopædia Britannica |