Mare Lapteviorum
Mare Lapteviorum[1] (Russice море Лаптевых, tr. more Laptevych) est mare Oceani Arctici (Glacialis Septentrionalis). Area maris Lapteviorum est 672 000 chm², profunditas mediocris 540 m, maxima 3385 m est.
Nomen[recensere | fontem recensere]
Nomen maris hodiernum, anno 1935 confirmatum, datum est in honorem fratrum patruelium Demetrii et Charitonis Lapteviorum – praefectorum navalium Russicorum, qui annis 1735–1740 litora huius maris exploraverunt.
Situs[recensere | fontem recensere]
Inter paeninsulam Taimyricam archipelagumque Terram Borealem ad occidentem et insulas Sibiriae Novae ad orientem situm est. Terra Borealis a mari Karensi et Insulae Sibiriae Novae a mari Sibirico Orientali mare Lapteviorum separant. Fretum Vilkitzkii mare Lapteviorum cum mare Karense coniungit et fretum Demetrii Laptevii cum mari Sibirico Orientali.
Res geographicae[recensere | fontem recensere]
Flumina Chatanga, Anabira, Olenecus, Lena, Iana (ab occidente ad orientem enumerata) in hoc mare effunduntur.
Portus principalis est Tiksi prope delta Lenae situs.
Nota[recensere | fontem recensere]
- ↑ "De algis glacierum Maris Lapteviorum notula" (in: Meri (Series), vol. 51-55, p. 38); Norae Zabinkovae et Moysis Kirpicznikov Nomina physico-geographica principalia URSS s.v. Лаптевых, море.
Nexus externi[recensere | fontem recensere]
|
Situs geographici et historici: Locus: 76°0′0″N 125°0′0″E • GeoNames • Thesaurus Getty • Store norske Lexikon |
|
Vicimedia Communia plura habent quae ad mare Lapteviorum spectant. |