Mare Sibiricum Orientale

Roman numeral 10000 CC DD.svg
Latinitas nondum censa
E Vicipaedia
Mare Sibiricum Orientale caeruleo in tabula pictum

Mare Sibiricum Orientale[1] (Russice Восточно-Сибирское море, tr. Vostočno-Sibirskoe more) est mare Oceani Arctici (Glacialis Septentrionalis). Aream 913 chm2 et profunditatem maximam ad 915 m habet. Per maiorem partem anni glacie tectum est.

Situs[recensere | fontem recensere]

Ad litus Russiae inter insulas Sibiriae Novae (partis rei publicae Iacutiae) et Wrangelii (ad districtum autonomum Tschucoticum pertinentem) situm est. Insulae Sibiriae Novae a mari Lapteviorum et insula Wrangelii a mari Tschukotensi mare Sibiricum Orientale separant. Freto Longii cum mari Tschukotensi et freto Demetrii Laptevii cum mari Lapteviorum coniunctum est.

Res geographicae[recensere | fontem recensere]

Flumina maxima in hoc mare fluentia sunt Colyma et Indigirca.

Sinus Czaunicus[ru][2] est sinus maris Sibirici Orientalis maximus.

Portus principalis est Pevek, ad introitum sinus Czaunici situs; portus alter Caput Viride (Zelenyj mys) prope ad Czerski situs in ostio Colymae.

Sinus Czaunicus maris Sibirici Orientalis

Insulae Ursinae[3] (Medvež'i) in mari haud longe ab ostio Colymae sitae sunt, quarum una est insula Leontievi[4], altera Czetyrechstolbovoi[5].

Pevek portus maris Sibirici Orientalis

Notae[recensere | fontem recensere]

  1. Norae Zabinkovae et Moysis Kirpicznikov Nomina physico-geographica principalia URSS s.v. Восточно-Сибирское море. Cf.: "Archipelagus insulae Ursinae (mare Sibiricum orientale)" [1]; "De algis glacierum maris Sibirici Orientalis Majo 1987 inventis" [2]
  2. Norae Zabinkovae et Moysis Kirpicznikov Nomina physico-geographica principalia URSS s.v. Чаунская губа.
  3. Type? of Artemisia hultenii Maximova; Novitates systematicae plantarum vascularium, vol. XIII, 1976, p. 144.
  4. Artemisia hultenii Maximova.
  5. Novitates systematicae plantarum vascularium...

Fons[recensere | fontem recensere]

  • Dictionarium novum illustratum encyclopaedicum – Новый иллюстрированный энциклопедический словарь / Ред. кол.: В.И. Бородулин, А.П. Горкин, А.А. Гусев, Н.М. Ланда и др. – М.: Большая Российская энциклопедия, 2001. – ISBN 5-85270-259-5 (Russice)

Nexus externi[recensere | fontem recensere]

Vicimedia Communia plura habent quae ad Mare Sibiricum Orientale spectant.
Wikidata-logo.svg Situs geographici et historici: Locus: 72°0′0″N 163°0′0″E • OpenStreetMap • GeoNames • Thesaurus Getty • Store norske Lexikon • Большая российская энциклопедия • Encyclopædia Britannica