Mare Karense

Latinitas nondum censa
E Vicipaedia
Mare Karense

Mare Karense[1] seu Mare Karicum[2] (Russice Карское море, tr. Karskoe more) est mare Oceani Arctici (Glacialis Septentrionalis), ex Kara fluvio pelvis suae nominatum. Area huius maris est 893 400 chm², profunditas mediocris 50–100 m, maxima 620 m est.

Mare Karense, parte maxima anni glacie tectum, unum frigidissimorum marium Russiae est. Nebulae et procellae ibi frequentes sunt.

Navigium parvum Hivus-6 ad litus maris Karensis

Situs[recensere | fontem recensere]

Litora maris continentalia paeninsulis quattuor (Iugrica, Iamalica, Gydaënsi et Taimyrica) composita sunt; fines maritimi archipelagis Nova Zembla, Terra Francisci Iosephi, Terraque Boreali definiti sunt. Nova Zembla et Vaigatia insula a mari Barentsiano et Terra Borealis a mari Lapteviorum mare Karense separant. Fretum Iugricum et fretum Pylae Karicae cum mari Barentsiano et fretum Vilkitzkii cum mari Lapteviorum mare Karense coniungunt.

Dudinkae portus

Sinus maximi[recensere | fontem recensere]

Sinus Baidaratzkensis, Obiensis (cum sinu Tasensi coniuncto), Gydaënsis et Ieniseensis sunt maris Karensis quattuor sinus maximi.

Sinus Baidaratzkensis paeninsulam Iugricam a Iamale separat, sinus Obiensis paeninsulam Iamalem a Gydaensi, sinus Ienissensis paeninsulam Gydaensem a Taimyre. Sinus Gydaensis paeninsulam Gydaensem in duas paeninsulas minores, Iavai et paeninsulam Mammuthi, dividit.

Insula Schmidtii in mari Karensi

Insulae[recensere | fontem recensere]

Insulae maris Karensis multae sunt, e.g. archipelagus Nordenskiöldii[3], Dickson, Sibiriakovii[4], Schmidtii[5].

Systema hydrographicum[recensere | fontem recensere]

Flumina maxima et omni Russiae aquosissima, quae in mare Karense influunt, sunt Obius et Ienisea. Cetera flumina Kara, Nadymus, Piassina, Taimyr Inferior, Pur, Tasus sunt.

Portus[recensere | fontem recensere]

Portus principalis ad ipsum maris litus est oppidulum nomine Dickson (in insula Dickson anno 1915 conditum). Dudinka ad Ieniseam sita maris Karensis portus habetur. Portus antiquus nobilis regionis maris Karensis Mangasea erat.

Notae[recensere | fontem recensere]

  1. "Observationes in stratus superficiales aquarum Maris Barentsii et Maris Karensis, œstate, 1930" et "Res comparatae pro chartographia Maris Karensis" (in: Bibliographia Oceanographica, tom. VII., 1934)
  2. Norae Zabinkovae et Moysis Kirpicznikov Nomina physico-geographica principalia URSS s.v. Карское море. Vel Caricum, ibidem, cf.: "Addimenta ad bryofloram Paeninsulae Jamal (Ins. Alba (Belyi), Mare Caricum" (in: Fragmenta floristica et geobotanica, vol. XLI., p. 843)
  3. Norae Zabinkovae et Moysis Kirpicznikov Nomina physico-geographica principalia URSS s.v. Норденшельда, арх..
  4. Norae Zabinkovae et Moysis Kirpicznikov Nomina physico-geographica principalia URSS s.v. Сибирякова.
  5. Norae Zabinkovae et Moysis Kirpicznikov Nomina physico-geographica principalia URSS s.v. Шмидта о-в.

Nexus externi[recensere | fontem recensere]

Vicimedia Communia plura habent quae ad Mare Karense spectant.
Situs geographici et historici: Locus: 77°0′0″N 77°0′0″E • GeoNames • Thesaurus Getty • Store norske Lexikon