Roman numeral 10000 CC DD.svg

Urbs Sancti Iacobi

E Vicipaedia
(Redirectum de Iacobopolis)
Salire ad: navigationem, quaerere
Wikidata-logo.svg Urbs Sancti Iacobi
Res apud Vicidata repertae:
Urbs Sancti Iacobi: insigne
Civitas: Chilia
Numerus incolarum: 6 158 080±0
Zona horaria: UTC-4
Situs interretialisNomen officiale: Santiago de Chile

Geographia

Superficies: 641.4 chiliometrum quadratum

Vide etiam paginam discretivam: Fanum Sancti Iacobi (discretiva)

Urbs Sancti Iacobi in Chile[1][2] sive Iacobopolis[3] (Hispanice Santiago de Chile) est caput Chiliae. Ad ripas Maputzongis fluvii et prope Antem montem patet. Tres et triginta gradus sex et viginti partes minutas primas (33º26') abest a linea aequinoctiali, ad meridiem, et septuaginta gradus undequadraginta partes minutas primas (70º39') a meridiano Viridovicano (Greenwich) Britanniae, ad Occidentem. Sexagies semel centena milia quinquaginta octo milia cuadringenti octoginta (6 158 080 ) incolae habitabant Iacobopoli anno 2014. Forum principalis Iacobopolis Plaza de Armas (forum armorum) est, primum nominatum Plaza Mayor (forum maius), ubi Hispanus Petrus Valdivia (Pedro de Valdivia), domitor Chiliae (Conquistador de Chile) condidit urbem anno 1541 die 12 mensis Februarii. Palatium monetarium (Palacio de la Moneda), sedes administrationis Chiliae gubernationis, et Curia Suprema (Corte Suprema), altissimum forum iuridicum, Iacobopoli sunt. Conventus (potestas leges ferendi) est divisus in duas curias (curia senatus et curia vicariorum), sitas in urbe Valle Paradisi (Valparaíso).

Urbs Sancti Iacobi

Fluvius "Maputzoncus" (Mapocho), id est "Aqua in Terra Latens' (Mapu Chong Ko) in lingua "mapudungun" aboriginum Araucanorum seu Maputzium (Mapuche).

Antis Mons (Cordillera de los Andes) est nomen pristinum, non "Andes Montes" (numerus singularis cf. Caucasus Mons et Taurus Mons).

"Antis" Mons, id est "orientalis" Mons in lingua "runa simi" Incarum Peruviae ("Anti") et in lingua "aymara" aboriginum Aymararum Boliviae ("Antis") et in lingua "kunza" aboriginum Atacamensium Chiliae septentrionalis ("Anta"). Hic mons nominatur "Pire Mapu", id est "Nivum Terra", ab Araucanis seu Maputzibus Chiliae et Argentinae.

Regiones Iacobopolis[recensere | fontem recensere]

Iacobopolis Chiliae in triginta duas regiones (comunas) divisa est. Regiones divisae sunt in vicos (barrios seu poblaciones). Dux administrationis regionis est curator regionis (Alcalde de la Comuna). Duces administrationis vici, electi ab vicinis, sunt vicomagistri (Miembros de la Junta de Vecinos). Hae sunt regiones Iacobopolis Chiliae:

Colliculi Comitum Montes Pudavylia
Collis Naviae Barrenetzea Pons Altus
Contzalinia Specularia Cylacura
Silva Pratensis Praedium Scholae Normalis Agriculturae
Statio Media Maculia Recollecta
Vetzurave Maipum Renca
Independentia Nyunyuva Sanctus Bernardus
Cisterna Pater Furtus Sanctus Ioachimus
Florida Petrus Agirre Saeta Sanctus Michael
Villa Penyalolenia Sanctus Raimundus
Picturata Pirca Sanctus Iacobus
Regina Providentia Fytacura
Tabula Urbis Sancti Iacobi et regionum eius
Forum maius
Palatium monetae
Universitas Chiliae Iacobopoli (domus centralis)
  • Barrenetzea (Lo Barnechea). Haec regio nomen cepit e gentilicio nomine Vasconico Barrenetxea. Barrenetzeanus, -a, -um, adj.
  • Cisterna (La Cisterna). Cisterninus, -a, -um, adj.
  • Colliculi (Cerrillos ). Collinus, -a, -um, adj.
  • Collis Naviae (Cerro Navia, olim Cerro de Navia). Navia gentilicium nomen Hispanicum seu Asturicum est. "Navia" nomen cuiusdam oppidi et fluminis Asturiae est. Navianus, -a, -um, adj.
  • Comitum Montes (Las Condes). Haec regio nomen cepit ex fundo appellato "Montes Comitum" (Las Sierras de los Condes). "Comites Montium Pulchrorum" (Condes de Sierra Bella) domini huius fundi erant. Comitianus, -a, -um, adj.
  • Contzalinia (Conchalí), id est "faeces siccae" ("Konchu Alin") in lingua "runa simi" incarum Peruviae. Contzalinus, -a, -um, adj.
  • Cylacura (Quilicura). Hoc nomen "Tria Saxa" ("Küla Kura") sonat in lingua mapudungun aboriginum araucanorum seu maputzium. "Cylacura" vel "Tria Saxa" nomen pristinum erat tribus collibus ("Cerro Renca" et "Puntilla de Ruiz" et "Cerro Colorado"), qui semper limes inter regiones Rencam et Cylacuram fuerant. Cylacuranus, -a, um, adj.
  • Specularia (Lo Espejo). Haec regio nomen cepit e gentilicio nomine Hispanico. Espejo "speculum" sonat. Specularius,-a,-um, adj.
  • Florida (La Florida). Haec regio nomen cepit ex "Via Lata Florida" ("Avenida La Florida"). Floridanus, -a, -um, adj.
  • Fytacura (Vitacura). Hoc nomen "Magnum Saxum" ("Füta Kura") sonat in lingua mapudungun aboriginum araucanorum seu maputzium. "Fytacura" nomen pristinum erat "Colli Sancti Ludovici" ("Cerro San Luis"). Fytacuranus, -a, -um, adj.
  • Independentia (Independencia). Haec regio nomen cepit ex via appellata "Independentia", per quam transiit "Exercitus Liberator", qui independentiam Chiliae ab Hispania consecutus est. Olim nomen "Via Tziliae" ("Camino de Chile") primum erat huic viae, deinde "Via vel Semita Pecuaria" ("La Cañadilla"). Independentianus, -a, -um, adj.
  • Maculia (Macul). Haec regio nomen cepit ex rivo Macule, ad quem antigua colonia Incaica erat. "Macul", vox linguae "runa simi" Incarum Peruviae, nomen unius fluvii Aequatoriae etiam est. Maculensis, -e, adj.
  • Maipum (Maipú). Nomen Maipun in lingua mapudungun aboriginum araucanorum seu mapuchium "Cultum Agrum" sonat. Maipinus, -a, -um, adj.
  • Nyunyuva (Ñuñoa), nomen unius dictricti Aiaviris, in Peruvia, etiam est. "Ñuñúwa" (Ñuñoa), vox linguae "runa simi" Incarum Peruviae est. Nyunyuvanus, -a, -um, seu Nyunyuvensis, -e, adj.
  • Penyalolenia (Peñalolén). Nomen "Peñad Lolen" in lingua "mapudungun" aboriginum araucanorum seu mapuchium "Manipulum e fossis cammarorum" significat. Penyalolensis, -e, adj.
  • Petrus Aguirre Cerda (Pedro Aguirre Cerda). Haec regio nomen cepit e Petro Agirre Saeta (Pedro Aguirre Cerda), praeside Chiliae. Aguirre gentilicium nomen Vasconicum est. Aguirrensis, -e, adj.
  • Picturata (La Pintana). Haec regio nomen cepit ex praedio "Vaccae Picturatae" ("Vaca Pintana"). Haec vacca, quae in fundo Hannibalis Picturati (Aníbal Pinto), antiqui Praesidis Tziliae (1876 - 1881) pascebat, nomen cepit ex sua alba pelle variegata. Secundum alios, in eodem fundo virgo Anna Picturata (Ana Pinto) nomine, prognata Hannibalis Picturati, habitabat. Cognomen "Picturata Anna" (Pint-Ana) huic virgini erat. Picturatensis, -e, adj.
  • Pratensis (Lo Prado). Haec regio nomen cepit ex gentilicio nomine Hispanico. Verbum Prado "Pratum" sonat. Pratensis, -e, adj.
  • Praedium Scholae Normalis Agriculturae (Quinta Normal). Praedianus, -a, -um, adj.
  • Providentia (Providencia). Haec regio nomen cepit ex ordine monacharum divinae providentiae, cuius monasterium in hac regione est. Providentianus, -a, -um, adj.
  • Pudavylia (Pudahuel). Nomen "Pu Dawyll") in lingua mapudungun aboriginum araucanorum seu maputzium "Lamas" significat. Regio Lacunosa. Pudavylinus, -a, um, adj.
  • Recollecta (Recoleta). Haec regio nomen cepit ex Ecclesia Sancti Francisci Patrium Recollectorum. Recollectanus, -a, -um, adj.
  • Regina (La Reina). Haec regio nomen cepit ex nomine cuiusdam fundi. Reginensis, -e, adj.
  • Renca (Renca), id est nomen cuiusdam plantae (Achyrophorus Grandidentatus) in lingua "runa simi" incarum Peruviae. Rencanus, -a, -um, adj.
  • Sanctus Iacobus seu Regio Iacobea (Santiago), ubi Iacobopolis condita est a Petro de Valdivia anno 1541 die 12 mensis februarii. Iacobopolitanus, -a, -um, adj.
  • Sanctus Ioachimus seu Regio Ioachimina (San Joaquín). Ioachiminus, -a, -um, adj.
  • Sanctus Michael seu Regio Michaelina (San Miguel). Michaelinus, -a, -um, adj.
  • Sanctus Raimundus seu Regio Raimundina (San Ramón). Raimundinus, -a, -um, adj.
  • Silva (El Bosque). Haec regio nomen cepit ex nomine bellicarum aërinavium portus localis. Silvanus, -a, -um, adj.
  • Statio Media Hamaxostichorum seu Regio Hamaxostichorum (Estación Central). Haec regio nomen cepit ex Statione Media Hamaxostichorum. Hamaxostichinus, -a, -um seu Stationarius, -a, -um, adj.
  • Vetzurave (Huechuraba olim Huechurava), id est "Locus Supra Cretam" ("Wechu Ragh We") in lingua mapudungun aboriginum araucanorum seu maputzium. Regio Cretosa. Vetzuravensis, -e, adj.
  • Villa (La Granja). Villanus, -a, -um, seu Villico, -onis, adj.

Incolae noti[recensere | fontem recensere]

Ecclesia Catholica Romana[recensere | fontem recensere]

Urbs Sancti Iacobi sedes episcopalis metropolitana Ecclesiae Catholicae Romanae est. Nomen sedis episcopalis Archidioecesis Sancti Iacobi in Chile est. Nunc (anno 2014) archidioecesis a S.E. Archiepiscopo Ricardo Ezzati Andrello regitur.

Notae[recensere | fontem recensere]

  1. "in urbe Sancti Iacobi in Chile": Acta Apostolicae Sedis vol. 101 no. 1 (2009) p. 30. Cf. "Archidioecesis Sancti Iacobi in Chile" e The Hierarchy of the Catholic Church (situs a Davide M. Cheney elaboratus) (Anglice)
  2. "Fanum S. Iacobi in Cile": Michel-Antoine Baudrand, Geographia (vol. 1 p. 51 apud Google Books); "In urbe D. Iacobi, quae est in provincia Chile": Carolus Clusius (interpr.), De simplicibus medicamentis ex occidentali India delatis quorum in medicina usus est (1574) p. 84
  3. Egger, Lexicon Nominum Locorum, p. 237 (vide disputationem nostram)

Bibliographia[recensere | fontem recensere]

Nexus interni

Nexus externi[recensere | fontem recensere]

Commons-logo.svg Vicimedia Communia plura habent quae ad Urbs Sancti Iacobi spectant.


Urbis S. Iacobi panorama
Urbis S. Iacobi panorama


Urbes Americae Australis capitales