Marcus Zuerius Boxhornius
E Vicipaedia
Marcus Zuerius Boxhornius (vulgo Marcus Zuerius van Boxhorn) fuit rerum scriptor Batavus, 28 Augusti 1612 Bergis ad Zomam natus, 3 Octobris 1653 Lugduni Batavorum mortuus. Fuit professor eloquentiae apud Academiam Lugduno-Batavam. Cum linguas Europaeas inter se compararet, quandam animadvertit formarum similitudinem, quam ab communi quadam lingua prisca ortam esse putabat. In lingua illa prisca – "Scythica" quam vocabat – Batavam, Graecam, Latinam, Persicam, Theodiscam numeravit, quibus postea insuper linguas addidit Slavicas, Celticas nec non Balticas, sed mirabile dictu, Hebraicam exclusit linguam, etsi illis temporibus paene omnes id agerent, ut suam linguam ab Hebraica oriundam esse demonstrarent.
Vide etiam [recensere]
- Lamberti Barlaei Oratio funebris in excessum clarissimi viri Marci Zuerii Boxhornii …
- Inceptum ad vitam Marci Zuerii Buxhornii percurrendam pertinens
Bibliographia [recensere]
- Wayenburg, Bruno van (2004) Marcus van Boxhorn: uitvinder van de Europese oertaal, Mare di libri 32 [1]
