Henricus Morgan

E Vicipaedia
Salire ad: navigationem, quaerere
Henricus Morgan
Pictura proelii apud Maracaibum anno 1678 facta

Henricus, vulgo Henry Morgan (natus in oppido Rhymney Glamorganensis comitatus anno 1635; obiit iuxta Lawrencefield insulae Iamaicae anno 1688) fuit miles ac cursarius Cambricus. Morgan iuvenis in exercitu Anglico conscriptus navigavit contra Hispaniam pugnans, postea profectus ad Iamaicam illo tempore coloniam Britannicam dux militum honoris ac virtutis causa creatus est. Regina Britannica et praefectus Iamaicae eum iusserunt destruere aliquantos vicos portusque Americae Hispanicae eosque praedari, cum Angli erga Hispanos bellum gererent. Morgan victorias compluras collegit et a regina titulum eques (anglice: Sir) accepit. Postea, insimulatus crimine pirateriae a legato Hispanico apud Angliam, Londinium vectus est, ubi aliquot annos vixit. Dein autem, cum nondum reus putaretur, Iamaicam revertit et vicarius praefecti fuit, sed nulla altera facinora incepit. Obiit aegrotus domi anno 1688.

De Morganis victoriis[recensere | fontem recensere]

Propter eius vim capacitatemque militarem, Morgan praeclarus factus est et conscribere potuit frequentem exercitum cursariorum piratarumque. Cum quo nonnullas res gestas explevit contra Hispanicas colonias, accipiens onera ingentia quorum partem unam Regnum, alteram ipse habuit. Tres fuerunt Morganis maximae victoriae: inceptum Portobelli (1668), inceptum Maracaibi (1669) atque proelium Panamense (1671).

Proelium Panamense[recensere | fontem recensere]

Fortasse maxima ex Morganis victoriis fuit apud Urbem Panamensem annis 1670-1671. Duobus milibus militum collectis Iamaica, Morgan iter per silvam tropicalem Panamae fecit et ad planitiem urbis capitis pervenit. Ei praefectus Hispanicus Ioannes Pèrez de Guzman obviam iit ducens peditatum mille et ducentorum militum ac equitatum quadringentorum. Equitatus impetum fecit, sed repulsa est sclopetis a Morganis militibus, qui post primam defensionem gladiis et pistoliis congressi sunt cum Hispanis. Urbs Panamensis capta, vastata et combusta est, atque etiam insulares vici qui eam circumdabant rapti sunt. Morgan cum aere ingenti quod obtinuerat Iamaicam revertit anno 1671, perpaucis vero militibus perditis.

Vide etiam[recensere | fontem recensere]

Nexus externus[recensere | fontem recensere]

Commons-logo.svg Vicimedia Communia plura habent quae ad Henricum Morgan spectant.