Collegium Sanctae Crucis Friburgense

Aedificia scholastica media in imagine sunt sita; a latere dextero est lacus structilis (lac de Pérolles).

Gymnasium Sanctae Crucis (Francogallice Collège Sainte-Croix; Theodisce Gymnasium Heilig Kreuz) est schola quaedam Friburgi in Helvetia sita, quam multi discipuli e pago Friburgensi frequentant. Adhibentur in ludis istae duae linguae publicae, Theodisca et Francogallica, quia multi discipuli e utraque parte pagi ventant. Institutum hoc invenitur in via Perollensi, iuxta Scholam secundariam Perollensem. Haec schola anno 1904 primum creata est (erat feminarum universitas), sed anno 1909 gymnasium factum est.

Ludicra certatio est inter Sanctae Crucis Gymnasium et Sancti Michaelis Gymnasium.

Historia

Sanctae Crucis Academia

Anno 1904, universitas pro feminis creata est, quia Universitas Friburgensis eo tempore mulieres nondum cupivit. Revera, paulo post universitas pro acceptatione optavit.

Itaque pristina academia in scholam pro puellis mutata est. Magistrae fuerunt moniales Sanctae Crucis ex oppido Menzingen. Usque ad secundam partem saeculi vicesimi Santae Crucis Gymnasium plus quam 250 discipulos in hospitio suo servabat. Nonnarum numerus cursu temporum decrescebat; ultima nomine Utae Fromherz, ibi laboravit usque ad initium saeculi vicesimi primi.

Gymnasium vulgi

Anno 1983, civitas scholam regere coepit. Anno insequenti ecclesiastici commendaverunt curam omnem in manus saecularium; nunc Gisela Bissig-Fasel ludis praeest.

Cum gymnasium magistratus moderatus esset, schola pro puellis puerisque facta est. Novum aedificium erectum est et ista praeclara sic dicta Domus nigra constructa est. Denique anno 2018 novae aedes additae sunt.

Vita in gymnasio

In Santae Crucis Gymnasio discere potes mathematicam, linguam Theodiscam, linguam Francogallicam, linguam nostram, linguam Graecam antiquam, linguam Italicam, chemiam, biologiam, at alias res. Sunt etiam res externae, exempli gratia theatrum cohortis Sanctae Crucis et Sancti Michaelis, et choralium gymnasii. Discipuli ad consilium studentium adesse possunt ad vitam scholasticam emendandam. Aliquando cursus Esperanticae linguae quoque pro tironibus institutus est.

Praeclari discipuli

• Alanus Berset, consiliarius foederalis
• Ioannes Carolus I (rex Hispaniae)
• Isabella Chassot, politica
• Ioanna Niquille, histrio Helvetica
• Antonius de Saint-Exupéry, scriptor Francicus

Praeclari praeceptores

• Maria Lucia Romanens^(fr), biologa
• Cédric Tamani, artis athleticae magister
• Petrus Voélin, poeta, olim magister linguae Francogallicae

Bibliographia

• Charrière, Michel, et Uta Fromherz, Sainte-Croix: de l'Académie au Collège = Heilig Kreuz: von der Akademie zum Kollegium: 1904-2004, Friburgi: Collegium Sainte-Croix, 2005. (OCLC 146124017)

Nexus externi

• Situs proprius.