Canopus (Aegyptus antiqua)
Canopus (Graece Κάνωβος) fuit urbs Aegyptia antiqua ad mare Mediterraneum 25 km ab Alexandria ad orientem versus posita in Delta Nili prope rami occidentalis ostium ; famosa erat apud auctores Graecos et Romanos ob mores maxime dissolutos et incolarum et advenarum qui per fossam navigabilem Alexandria tectis navibus Canopum veniebant ubi sonarent tibiis et saltarent tam mulieres quam viri.
Nomen a Canopo gubernatore herois Menelai duxisse dicebatur ; huc enim litoris cum uxore Helena e bello Troiano reducem adpulisse. Ibi postea Ptolemaeorum tempore Serapeum erat a magna multitudine hominum frequentatum quia deus curationes mirabiles efficiebat eis qui in delubro dormiebant. Hodie nihil nisi ruinae supersunt.
In mythologia Graeca fuit urbs in qua post longum errorem Io cum filio Epapho quem Iovi peperit consedit[1].
Notae[recensere | fontem recensere]
- ↑ Aeschylus, Prometheus vinctus 845-51.
Fontes[recensere | fontem recensere]
- Ammianus Marcellinus, Res gestae XXII.16.14
- Herodotus, Euterpe 15, 17
- Strabo, Geographica libro decimo septimo capite primo 16-17
- Tacitus, secundo libro Annalium cap. 60