Melnica

E Vicipaedia
Salire ad: navigationem, quaerere

Melnica[1] (Bohemice: Mělník) est oppidum antiquum sive, ut aiunt, civitas antiqua in monte ad fluvios Multaviam et Albim confluentes sita; cuius montis in vertice arx iam saeculo septimo condita Pšov appellata est: illic enim principes gentis Slavicae eodem nomine nuncupatae sedem habebant. Postea vero et arcem et oppidum saeculo tertio decimo fundatum reginae Bohemiae possidebant; sed iam saeculo septimo decimo arx saepius aequo oppignorata comitibus Czerninensibus vendita est, quorum heredes principes Lobkovicenses arcem adhuc possident. At ipsum oppidum ad reges reginasque semper pertinebat.

Insigne Melnicense
Prospectus ad Melnicam a fluvio Albi

Notae[recensere | fontem recensere]

  1. Nomen Latinum verum apud Bohuslaum Hassensteinium a Lobkowicz invenitur.


stipula Haec pagina est stipula. Amplifica, si potes!