Volodimiria

Latinitas bona
E Vicipaedia

Vide etiam paginam discretivam: Volodimiria (discretiva)

Wikidata Volodimiria
Res apud Vicidata repertae:
Volodimiria: insigne
Civitas: Russia
Locus: 56°7′43″N 40°24′21″E
Numerus incolarum: 352 347
Zona horaria: UTC+3
Situs interretialis

Gestio

Praefectus: Olga Deeva
Procuratio superior: Municipal Formation of the City of Vladimir

Geographia

Superficies: 124.59 chiliometrum quadratum
Regiones urbanae: Q4258356, Q4333148, Q4493122

Coniunctiones urbium

Urbes gemellae: Ústí nad Labem, Mediolanum Santonum, Erlanga, Campus Bassus, Chungkina, Kerava, Attalea, Anglarium, Bloomington–Normal, Illinois, Cantuaria, Jelenia Góra, Kardzhali, Sarasota, Yuzhong District

Volodimiria,[1] vulgo olim Volodimier (Ruthenice antiqua Володимѣрь), et nunc Vladimir (Russice Владимир) vocatur, urbs est in Russia, ad Clesmam fluvium sita, metropolis regionis Volodimiriensis (Vladimirensis). Circa 356 milia incolarum urbi sunt (anno 2017). Urbs aliquas officinas, stationem ferriviarum, nonnulla instituta educationis, theatra, et musea habet. Notabilis est pro monumentis architecturae Russicae antiquae.

Historia[recensere | fontem recensere]

Templum Assumptionis Dei Genetricis, Volodimiriae saeculo duodecimo constructum

Volodimiria in honorem conditoris sui, ducis nomine Vladimirus (Volodimirus, Volodimerus), nominatur. Opinione multorum, dux ille est Vladimirus I Magnus, et urbs circiter anno 990 condita est. Alii tamen putant Volodimiriam anno 1108 fundatam, eius conditorem ducem Vladimirum II Monomachum esse.

Anno 1157, a duce Andrea Bogolubensi, Volodimiria facta est caput ducatus; saeculis duodecimo et quarto decimo urbs erat maximi valoris in Ruthenia Euroboreali. Sed saeculo quarto decimo, Moscovia, quae olim fuerat pars ducatus Volodimiriensis, ascendit, et saeculo quinto decimo Volodimiriam adiunxit.

Annis 17961929 Volodimiria erat metropolis gubernii, anno 1944 facta est metropolis regionis.

Notae[recensere | fontem recensere]

Nexus externi[recensere | fontem recensere]

Vicimedia Communia plura habent quae ad Volodimiriam spectant.