Traiectum ad Rhenum

E Vicipaedia
Salire ad: navigationem, quaerere

Vide etiam paginam discretivam: Traiectum

Traiectum ad Rhenum sive Ultraiectum (Batave: Utrecht) est urbs circiter 324 000 incolarum in media Nederlandia sita. Haec urbs, a Traiecto ad Mosam distinguenda, est caput provinciae eiusdem nominis.

Maximum urbis Ultraiecti templum
Natalis papae Hadriani VI domus

Historia[recensere | fontem recensere]

Circa annum 40 Romani castra prope flumen Rhenum condiderunt quia hoc loco Rhenum facile transire poterant. Multa castra ad limitem Germanicum Imperii Romani posuerunt. Per indagationem archaeologicam recentiorem in suburbe porta, naves turrisque huius aetatis inventae sunt. Medio Aevo urbs sedes episcopi facta est. Saeculo duodecimo multae ecclesiae erecta sunt. Aspectus civitatis partis centralis etiam hodie est fere mediaevalis. Ecclesia cathedralis habet turrim magnam dictam "Domtoren" 112.5 metrorum altam intra fines olim castrorum Romanorum positam. Musea in meridionali antiquae civitatis parte inveniuntur.

Civitas Traiectina propter facilitatem adeundi in natione Nederlandica est sedes plurimorum institutionum.

Geographia[recensere | fontem recensere]

Magno canali dicto Amsterdam-Rijnkanaal Amstelodamum et Traiectum ad Rhenum flumini Rheno et eius aestuario connectuntur.

Institutiones[recensere | fontem recensere]

Anno 1636 Universitas Rheno-Traiectina seu Ultraiectina condita est, temporibus nostris maxima Nederlandiae universitas. Anno 1713 hic Pax Traiecti ad Rhenum signata est, quo foedere Bellum de successione Hispanica finitum est.

Antiquissima sedes episcopi Ecclesiae veteris Catholicae Ultraiecto apud Ecclesiam Sanctae Gertrudis instituta est.[1]

Incolae noti[recensere | fontem recensere]

Nexus interni

Notae[recensere | fontem recensere]

  1. Dick Schoon: Van bisschoppelijke Cleresie tot Oud-Katholieke Kerk. Bijdrage tot de geschiedenis van het katholicisme in Nederland in de 19de eeuw (Nijmegen 2004).
Traiecti ad Rhenum regiones urbanae, vici et fractiones
Traiecti ad Rhenum  vexillum

Regiones urbanae: Binnenstad · Oost · Leidsche Rijn · West · Overvecht · Zuid · Noordoost · Zuidwest · Noordwest · Vleuten-De Meern
Vici: Haarzuilens · De Meern · Vleuten      Fractiones: Alendorp · Ockhuizen · Oudenrijn · Stadsdam · Themaat · Veldhuizen