Quantum redactiones paginae "Quintus Fufius Calenus" differant
Content deleted Content added
No edit summary |
|||
| Linea 25: | Linea 25: | ||
* [[Gaius Iulius Caesar|Caesar]] libro primo ''de Bello Civili'' capitulo 87, necnon libro tertio capit. 8, 14. 26, 56, 106. |
* [[Gaius Iulius Caesar|Caesar]] libro primo ''de Bello Civili'' capitulo 87, necnon libro tertio capit. 8, 14. 26, 56, 106. |
||
*[[Cicero]] [[Philippicae (Cicero)|Philippicae]] |
*[[Cicero]] [[Philippicae (Cicero)|Philippicae]] |
||
* [[Cassius Dio]], libro XLVIII ''[[Historia Romana (Dio)|Historiae Romanae]]'', cap. 10 |
* [[Cassius Dio]], libro XLVIII ''[[Historia Romana (Dio)|Historiae Romanae]]'', cap. 10 et 20. |
||
*[[Aulus Hirtius|Hirtius]] libro octavo ''[[de Bello Gallico]]'' cap. 39(4) |
*[[Aulus Hirtius|Hirtius]] libro octavo ''[[de Bello Gallico]]'' cap. 39(4) |
||
Emendatio ex 09:36, 26 Octobris 2016
Quintus Fufius Calenus (mortuus 40 a.C.n.) fuit senator Romanus qui bellis civilibus Gai Caesaris atque post eius necem Marci Antonii fautor erat. Ultima parte anni 47 a.C.n. cum Publio Vatinio consulatum gessit, ab ipso Gaio Caesare designatus. In summa semper optimatibus in republica adversabatur.
De gente
Ipsum cognomen Calenus indicare videtur hunc gentis Fufiae ramum e municipio Calibus oriundum esse.
Cursus honorum
- 70 a.C.n. (circa) triumvir monetalis siquidem denarium KALENI inscriptum percussit ex una parte capita iuxta posita Honoris et Virtutis, ex altera Romam et Italiam dextras iungentes[1] praebentem[2]
- 61 a.C.n. Tribunus plebis Publium Clodium sacrorum Bonae Deae violatorum accusatum defendit[3] atque a iudicibus ut absolveretur impetravit.
- 59 a.C.n. Praetor (eo anno Gaius Caesar consul erat) legem Fufiam de suffragiis dandis tulit.
- 51-48 a.C.n. Legatus Caesaris in bello Gallico et bello civili.
- 48-47 a.C.n. Post Pharsalicam victoriam Fufius Calenus a Caesare Achaiae praepositus est (legatus pro praetore).
- 47 a.C.n. (anno exeunte) Consul Romae cum Publio Vatinio fuit.
- 44-43 a.C.n. Mortuo Caesare in senatu Marci Antonii rebus consulebat, Ciceronis consiliis obstabat, quam ob causam orator eum in Philippicis saepe vituperat.
- 43-42 a.C.n. Repunlica triumvirum arbitrio subiecta doctum et clarum scriptorem Marcum Terentium Varronem in villa quadam sua occultavit[4] donec e catalogo proscriptorum eraderetur.
- 42 a.C.n. Dum Marcus Antonius in Thracia bellum gerit, Fufius praesidio Italiae relictus est cum duabus legionibus.
- 41-40 a.C.n. Cum undecim legionibus Galliis Narbonensi et Comatae a Marco Antonio praefectus est ; Octavianus autem, Perusina obsidione confecta, cum magno exercitu adversus eum progreditur. Tum forte Fufius obiit nec filius eius obstare Caesari ausus est quin in sese legiones converteret atque provincias in suam dicionem redigeret[5]
Notae
- ↑ Quae figurae ad concordiam post Sociorum Bellum renatam alludunt.
- ↑ Crawford 403/1. E. Babelon Fufia 1. Alterum nomen in hoc denario legitur CORDI, quod ad gentem Muciam pertinere videtur et Caleni collegam in triumviratu annuo designat.
- ↑ Cicero, Ad Att. I,14.
- ↑ Appianus BC IV,202-203. Cf François Hinard (1985), Les proscriptions de la Rome républicaine. Romae: Ecole française de Rome. ISBN 2-7283-0094-1 (Collection de l'École française de Rome, 83) : 527 Hic legere potes
- ↑ Appianus BC V,213-215.
Fontes
- Appianus, libro quinto Bellorum civilium 14, 46, 95, 213-215.
- Bellum Alexandrinum, capitulo 44.
- Caesar libro primo de Bello Civili capitulo 87, necnon libro tertio capit. 8, 14. 26, 56, 106.
- Cicero Philippicae
- Cassius Dio, libro XLVIII Historiae Romanae, cap. 10 et 20.
- Hirtius libro octavo de Bello Gallico cap. 39(4)