Quantum redactiones paginae "Idus" differant
No edit summary |
|||
Linea 20: | Linea 20: | ||
[[Categoria:Feriae Romanae]] |
[[Categoria:Feriae Romanae]] |
||
[[fr:Ides]] |
[[fr:Ides]] |
||
[[de:Iden (Kalender)]] |
|||
[[en:Ides]] |
Emendatio ex 14:33, 1 Februarii 2010
Idus (iduum, plurale tantum, fem.)[1] in fastis Romanis erant dies mensis[2] feriatus cum plenilunio antiquitus congruens, mox tamen, postquam annus ad cursum solis aptatus est, non iam cum plenilunio congruens sed medio mense celebratus, ita ut ceteris quidem mensibus tertius decimus, mensibus vero Martio, Maio, Iulio, Octobri quintus decimus dies in mense esset.
Secundum auctores antiquos hoc vocabulum e lingua Etrusca sumptum est : Varro enim adfirmat hunc diem Etruscos "itus", Sabinos idus vocasse. Macrobius etiam addidit "iduare" verbum apud Tuscos dividere significasse ac diem ita nominatum quod mensem divideret in duas partes. Quod hodie scilicet nec probari nec refelli potest. Nonnulli eruditi moderni etymologiam indo-europaeam quaesiverunt, non tamen ita ut consensum peritorum assequerentur.
Omnes idus Iovi sacratae erant, cui ove (quae "ovis idulis" dicebatur) a flamine diali sacrificabatur : itaque idus dies nefasti[3] erant.
Idus Martiae celebres factae sunt, quod eo die anno 44 a.C.n. dictator Caesar a senatoribus coniuratis interfectus est.
Notae