Publius Cornelius Cn.f. Scipio Nasica
Publius Cornelius Cnaei filius Scipio Nasica (natus saeculo 3 a.C.n., mortuus post annum 181 a.C.n.) fuit vir publicus Romanus.
Gens[recensere | fontem recensere]
Pater eius Gnaeus Cornelius Scipio Calvus consul anni 222 a.C.n. fuit, frater Gnaeus Cornelius Cn.f. Scipio Hispallus anno 176 consul mortuus est, filius Publius Cornelius Scipio Nasica Corculum anno 162 consulatum gessit.
Cursus honorum[recensere | fontem recensere]
Anno 204 Magnam Matrem ab Ostia Romam transtulit[1]. Anno 197 aedilis curulis una cum collega Gnaeo Manlio Vulsone ludos Romanos opulentissimos dedit. Anno 194 praetor Ilipae in Hispania Citeriore Lusitanos vicit. Anno 191 una cum Manio Acilio C.f. Glabrione consul electus Boios in Gallia Cisalpina superavit et triumphum habuit[2]. Annis 189 et 184 frustra candidatus censurae fuit. Anno 181 Triumvir coloniae Aquileiae deducendae fuit.
Bibliographia[recensere | fontem recensere]
- Carolus-Ludovicus Elvers, "C. Scipio Nasica, P. [I 81]" in Der Neue Pauly vol. 3 (Stutgardiae: Metzler, 1997. ISBN 3-476-01473-8) col. 184.
Notae[recensere | fontem recensere]
- ↑ Titus Livius, Ab urbe condita XXIX 14,8seqq
- ↑ Titus Livius, op.cit., XXXVI 38-40
| Antecessores: Lucius Quinctius T.f. Flamininus et Gnaeus Domitius L.f. Ahenobarbus |
Consul 191 a.C.n. cum Manio Acilio C.f. Glabrione |
Successores: Lucius Cornelius P.f. Scipio Asiaticus et Gaius Laelius C.f. |
