Pepo Americanus

Roman numeral 10000 CC DD.svg
E Vicipaedia
Pepones Americani.
Ager peponum Americanorum.
Transversa peponis Americani pars.

Pepo Americanus[1] (Anglice pumpkin; Francice citrouille; Hispanice calabaza gigante; Italice zucca), vel cucurbita Americana,[2] est cultivarietas nonnullarum specierum generis Cucurbitae quae rotundae sunt, cuti glabra, aliquantulum costatae, colore plerumque ab ochraceo saepissime ad aurantium.[3] Cortex crassus semina edulia et pulpam continet. Hoc nomen ad cultivarietates Cucurbitae peponis plerumque adhibetur, sed aliquot cultivarietates Cucurbitae maximae, Cucurbitae argyrospermae, et Cucurbitae moschatae earum similes etiam aliquando pepones Americani appellantur.[4]

Pepones Americani, in America Septentrionali (Mexico septentrionali orientalique et Civitatibus Foederatis meridianis) endemici,[5] sunt una ex primis plantis ab hominibus domatis, ab anno 7000 ad annum 5500 a.C.n. fere primum culta.[6][7] Quae plantae late pro victu atque aestheticae et oblectationis causa coluntur.[8] Crustum peponum Americanorum, exempli gratia, est traditionalis epularum Diei Gratulationis in Canada et in Civitatibus Foederatis pars, et tales pepones saepe ornamentalibus generis jack-o'-lantern? lanternis circa Pervigilium Omnium Sanctorum prosunt, quamquam purée? peponis in vasculis stanneis a societatibus mercatoribus conduntur, et scobis crusti peponis usitate ex aliis varietatibus Cucurbitae peponis usitate conficiuntur.[9]

Notae[recensere | fontem recensere]

  1. Haec appellatio a Vicipaediano e lingua indigena in sermonem Latinum conversa est. Extra Vicipaediam huius locutionis testificatio vix inveniri potest.
  2. Haec appellatio a Vicipaediano e lingua indigena in sermonem Latinum conversa est. Extra Vicipaediam huius locutionis testificatio vix inveniri potest.
  3. "Cucurbita pepo L.". Kew Science, Plants of the World, Royal Botanic Garden, UK. 2018 .
  4. "Cucurbita pepo L.," Kew Science, Plants of the World, Royal Botanic Garden.
  5. "Cucurbita pepo L.," Kew Science, Plants of the World, Royal Botanic Garden.
  6. "Cucurbita pepo L.," Kew Science, Plants of the World, Royal Botanic Garden.
  7. Paris 1989.
  8. Wolford, Ron; Banks, Drusilla (2008). "Pumpkins and More". University of Illinois Extension .
  9. "Cucurbita pepo L.," Kew Science, Plants of the World, Royal Botanic Garden.

Bibliographia[recensere | fontem recensere]

  • Hazelton, Jack W. 1999. Winter squash & pumpkins: for good growing, good eating, and good health. Petropoli in Florida: Seed to Supper. ISBN 1928907024.
  • Ott, Cindy. 2012. Pumpkin: The Curious History of an American Icon. Seattli: University of Washington Press. ISBN 978-0-295-99195-5.
  • Paris, Harry S. 1989. "Historical Records, Origins, and Development of the Edible Cultivar Groups of Cucurbita pepo (Cucurbitaceae)." Economic Botany 43, no. 4 (1989): 423–43. New York Botanical Garden Press. doi:10.1007/bf02935916. JSTOR 4255187. S2CID 29052282.

Nexus externi[recensere | fontem recensere]

Vicimedia Communia plura habent quae ad pepones Americanos spectant.
Wikiquote-logo.svg Vicicitatio habet citationes quae ad pepones Americanos spectant.