Cucurbita

E Vicipaedia
Fructus Cucurbitae variis magnitudinibus

Classis : Magnoliopsida 
Ordo : Cucurbitales 
Familia : Cucurbitaceae 
Genus : Cucurbita 
L.
   
Synonyma
*Mellonia Gasp.

Cucurbita est genus herbacearum scansoriarum familiae Cucurbitacearum, in Andibus et Mesoamerica indigenarum. Ex quibus quinque species per orbem terrarum propter fructus edules, qui cucurbitae, pepones, gurdaeve appellantur, et propter semina, coluntur. Primum in America excultae, deinde in Europam ab exploratoribus Novi Mundi reportatae, nunc in multis locis sunt magni fontes cibi humani et olei.

Plantae facie et usu similes, eiusdem familiae ac Cucurbita, Veteris Mundi indigenae, sunt generum Lagenariae, Citrulli, ac Cucumis. Hae erant cucurbitae, melones, peponesque Romanis antiquis notae.

Species utiliores, late cultae, sunt Cucurbita maxima in America australi domesticata, C. moschata et C. pepo media in America domitae. Alicubi C. argyrosperma, C. ficifolia, rarius aliae species coluntur. Colonus Thomas Harriot, in Virginia saeculo XVI exeunte profectus, species plures huius generis ab indigenis cultas visit: erant cuius fructus unum mensem, erant qui duos menses maturabant.[2]

Hodie in Civitatibus Foederatis pepones Americani in Pervigilio Omnium Sanctorum publice ostenduntur.

Notae[recensere | fontem recensere]

  1. "Tristemon". Tropicos, Missouri Botanical Garden 
  2. "Macócqwer" ... There are of two sorts; one is ripe in the space of a moneth, and the other in two moneths: Hariot (1588)

Bibliographia[recensere | fontem recensere]

Cucurbitae in radiis solis fulgent
Fontes antiquiores
Eruditio
  • Sophie D. Coe, America's First Cuisines (Austinopoli: University of Texas Press, 1994) pp. 37-41
  • Jules Janick, Harry S. Paris, "The Cucurbit Images (1515–1518) of the Villa Farnesina, Rome" in Annals of Botany vol. 97 (2006) pp. 165-176
  • Justine Woodard McKnight, “A Study of Native American Plant Use, based on a review of early historic comments on subsistence and technology” in Charles LeeDecker et al., Archaeology of the Puncheon Run Site (Dover: Delaware Department of Transportation, 2004/2005) vol. 2 pp. E1-E123

Nexus externi[recensere | fontem recensere]

Situs scientifici: Tropicos • Tela Botanica • GRIN • ITIS • NCBI • Biodiversity • Encyclopedia of Life • Plant Name Index • Plantes d'Afrique • Flora of China • Flora of North America • USDA Plants Database