PSR B1257+12 d

PSR B1257+12 d,^[1] vel Phobetor,^[2] est planeta extrasolaris distans 2300 annos luce mensos a Terra per constellationem Virginis, anno 1992 inventus, qui circum pulsar PSR B1257+12 movetur. Fuit, et c (Poltergeist), primus planeta extrasolaris detectus. Extremus planeta ex eius systemate planetario^(d) putatur (post b et c), periodo orbitali circiter 98 dierum et semiaxe maiore 0.46 UA (simili orbitae Mercurii). Inventum est per mensurae periodi pulsationis rationem, quae quaerit num planeta quidam variationum pulsationibus pulsaris causa sit.

Mense Iulii anno 2014, Unio Astronomica Internationalis (UAI) NameExoWorlds consilium instituit ad nomina propria selectis exoplanetis et eorum stellis, per nominationem publicam et suffragium, danda. Mense Decembri 2015, UAI nuntiavit nomen pro planeta d vicisse Phobetoris.^[2] Nomen vincens a Theatro Planetario Carnedii (Italia) submissum erat.

Secundum Metamorphoses Ovidii Phobetor est unus e milibus filiis Morphei (Somni), qui in somniis forma ferae apparet:

At pater e populo natorum mille suorum

excitat artificem simulatoremque figurae

Morphea: non illo quisquam sollertius alter

exprimit incessus vultumque sonumque loquendi;

adicit et vestes et consuetissima cuique

verba; sed hic solos homines imitatur, at alter

fit fera, fit volucris, fit longo corpore serpens:

hunc Icelon superi, mortale Phobetora vulgus

nominat; est etiam diversae tertius artis

Phantasos: ille in humum saxumque undamque trabemque,

quaeque vacant anima, fallaciter omnia transit;

regibus hi ducibusque suos ostendere vultus

nocte solent, populos alii plebemque pererrant.

Ovid. Met. XI, 633–645

Phobetor est supertellus^(d), i.e. planeta qui radium et massam maiorem quam Terram habet, sed minorem quam Uranus et Neptunus. Nam massam habet quadruduplae Telluris (3.9 M_⊕), et verisimilem radium, secundum massam notam, trium dimidiarum radii Telluris (1.5 R_⊕). Aequilibrii^(d) est temperatura planetae 169 K (−104 °C).^[3]

Nexus interni

Vide Metamorphoses (Ovidius) apud Vicifontem.