Lugdunum Batavorum

Lugdunum Batavorum

Res apud Vicidata repertae:

Civitas: Nederlandia
Locus: 52°9′16″N 4°29′41″E
Numerus incolarum: 124 899
Zona horaria: UTC+1
Situs interretialis
Nomen officiale: Leiden

Gestio

Praefectus: Henri Lenferink
Procuratio superior: Hollandia Australis

Geographia

Superficies: 23.16 chiliometrum quadratum
Territoria finitima: Teylingen, Leiderdorp, Katwijk, Wassenaar, Zoeterwoude, Oegstgeest, Leidschendam-Voorburg, Voorschoten

Coniunctiones urbium

Urbes gemellae: Crefeldia, Oxonia, Thorunium

Vide etiam paginam discretivam: Lugdunum (discretiva)

Lugdunum Batavorum (vel Leida, Batavice Leiden) est urbs et municipalitas apud litora Batavica in Hollandia Australi provincia Nederlandica patens, in cuius regione castra Romana quondam sita erant. In civitate Lugdunensi cum surburbibus connexis habitant circa 270 000 civium (2004); in finibus communitatis Lugdunensis 117 914 incolarum sunt (2011).

Geographia

Rhenus Vetus et aedificia familiarum nobilium.

Lugdunum Batavorum 18 chiliometra versus septentrionem et orientem urbis Hagae situm est.

Rivus Rhenus vetus ex magno flumine Rheno urbem transfluit. A Rheno vetere rivuli Zijl et Canalis rhenus-Schie apud vicum Rijnsoever mari influunt. Nonnulii canales qualis viae navales (Batavice Gracht) inter partes civitatis iacent.

Historia

Curia Lugduni

Versus Horatii.

Nomen Lugdunum Batavorum urbi in Nederlandia - quae Latine etiam Batavia dicitur - sita datum est Aevo antiquitatis renascentis. Sub Imperio Romano civitas non iam erat, sed castrum Limitis Germanici inferioris nominis Lugdunum, ad litus Maris Germanici. Quamquam locus ubi olim castrum erat paene 10 chilometra ab urbe situs et locus castri Matilo dicti propior est, urbs nomen Lugdunum Batavorum accepit.

Medio Aevo comites Hollandiae ibi fortificationem sive arcem antiquam vulgo dictum Burcht fecerunt. Comes Floris urbe libertatem civitatis instituit anno 1266.

Anno 1574 milites Batavici in bello contra Hispaniam urbem liberaverunt et exercitum ducis de Alba vincere potebant. Etiam nunc ea liberatio Lugdunensibus die 3 Octobris celebratur. Ipsi cives Leidens Ontzet celebrationem appellant et multae fabulae de oppugnatione narrantur. Princeps Urbis, Petrus Hadriani filius Van der Werff, suum bracchium ieiuno populo offere velit.

Scholae

Lugduni Batavorum antiquissima academia Hollandiae est, cui proverbium "Academia Lugduno Batava Praesidium Libertatis". Wilhelmus Praetor Primus eam urbi post liberationem in anno 1575 donavit. Iuliana Beatrixque reginae, atque Wilhelmus Alexander rex Lugduni studia fecerunt. Academia celebratioque liberationis Lugduni per omnem Bataviam clarae sunt. Biblioteca universitaria Lugdunensis celeberrima est propter multitudinem et varietatem librorum. Universitas Lugdunensis est fortissima in astronomia et medicina, sed et aliis disciplinis scientiae fortiter praestat. Gymnasium Lugduno-Batavorum numero antiquissimarum scholarum Nederlandiae adscribitur.

Aedificia

Alia aedificia miranda sunt:

• Arx antiqua
• Aedificium Academiae
• Curia
• Ecclesia Sancti Petri
• Ecclesia Sancti Pancratii
• Portae urbis
• Musea
• Theatra

Logo casae editoriae Elsevier

Oeconomia

Lugduni sedes societatis Airbus Group est. Domus editoriae Brill (cum casa filiala Bostoniae) et Elsevier in productione librorum scientiarum et specialiter lingua Latina maximi momenti sunt.

Cives clari

• Petrus van den Bosch, pictor
• Rembrandus, pictor

Nexus externi

Vicimedia Communia plura habent quae ad Lugdunum Batavorum spectant.

• Situs proprius urbis