Kotelnyi
Kotelnyi[1], vel Latine insula Cortinae (Iacutice Олгуйдаах арыы, Olgujdach aryy), est insularum Sibiriae Novae maxima, in Oceano Glaciali Septentrionali (Arctico) inter maria Lapteviorum et Sibiricum Orientale, nunc ad rem publicam Iacutiam Foederationis Russicae pertinens. Freto Sannikovii ab insulis Liachovensibus separata est. Area insulae 23200 chm2 est. Inhabitata est, quamquam a venatoribus saepe visitatur et stationes polares aliquo tempore in insulis laborant.
Ab Ioanne Liachov anno 1773 inventa est; Chvoinov agrimensor qui post Liachov insulam visitaverat, cortinam aeneam ab expeditione Liachov relictam hic invenit et nomen eius insulae dedit.
Insula Kotelnyi et insula Thaddaei (Faddejevskij) terra est una, quamquam in multis tabulis et indicibus duae indicantur; nam Terra Bungei, planities harenosa deserta et humillima, inter Kotelnyi et Faddejevskij iacens easque coniungens, saepe de mari non videbatur.
Notae[recensere | fontem recensere]
- ↑ Norae Zabinkovae et Moysis Kirpicznikov Nomina physico-geographica principalia URSS s.v. Котельный о-в.
Nexus externi[recensere | fontem recensere]
|
Situs geographici et historici: Locus: 75°26′20″N 138°49′36″E • OpenStreetMap • GeoNames • Большая российская энциклопедия |