Apoplexia cerebri

Vide etiam paginam discretivam: Apoplexia

	Cave: notitiae huius paginae nec praescriptiones nec consilia medica sunt.

Apoplexia cerebri
Cognitores
Disciplina medica	Neurologiae necessitas medica
ICD-9	434.91
ICD-10	I61-I64
Rationes clinicae

Infarctus territorialis, arteriae cerebri mediae dextri area, scanner radiis X operante demonstratus. Iconismo medico aegrotantis caput in scanner, pedes eius versus examinatorem iacent, ita infarctus dexter in imagine sinistre visibilis est.
Pathologia	ischaemica sive haemorrhagica
Symptomata	repentina, at diversa: hemiparesis, hemianaesthesia, hemianopsia, aphasia, apathia (initio)
Therapia	Infarctus ischaemicus: lysis thrombectomia Infarctus haemorrhagicus: antihypertensiva

Apoplexia cerebri^[1]^[2]^[3] sive ictus apoplecticus^[3] est rapidum muneris cerebri ob turbationem copiae sanguinis in cerebro detrimentum.^[4]^[5] Causa esse potest ischemia (inopia fluctus sanguinis) ab occlusione (thrombosi aut embolia arteriali) effecta, vel haemorrhagia (sanguinis effusio in textum).^[6] Ergo adfecta cerebri regio operari non potest, unde aegrotus fortasse unum vel plura membra in uno corporis latere movere (hemiplegia), sermonem intellegere (aphasia receptiva) aut creare (aphasia expressiva), vel unum campi visualis latus videre (hemianopsia) non potest.^[7] Ictus hominibus aliquando est gravis morbus, qui multas mortes pluresque invalidos praecipue in civitatibus opulentibus, efficit.

Apoplexia cerebri est necessitas medica, auxilium medicum statim pernecesse est.

Indicia[recensere | fontem recensere]

Indicia ictus (tabula Germanice signata)

repentes difficultates videndi
repentes difficultates deambulandi, imbecillitatis unilateralis et repentini causa
repens paralysis vultus ac bracchii vel cruris, praecipue torpor solius lateris corporis
repens delirium
repentes perturbationes loquendi, scribendi, aut intelligendi
repentes et vehementes dolores capitis
repens vertigo

Aetiologia[recensere | fontem recensere]

Sectio cerebri hominis qui acutum arteriae cerebri mediae ictum passus est, per autopsiam facta

Micrographema necrosin corticalem pseudolaminarem monstrat, inventionem in ictibus per imaginationem medicalem et per autopsiam visam (macula H&E-LFB).

Mortes ex apoplexia per millionem hominum, anno 2012 58-316 317-417 418-466 467-518 519-575 576-640 641-771 772-974 975-1,683 1,684-3,477

Apoplexiae cerebri causae multae sunt. Saepius sunt hypertensio arterialis, atherosclerosis, diabetes mellitus, fibrillatio atrialis (→embolus). Iuvenes quoque homines in apoplexiam delabi possunt.

Apoplexia cerebri thrombosi causa (Apoplexia ischaemica)[recensere | fontem recensere]

De hac aetiologia exsistentia atherosclerosis putatur. Thrombosis non improviso sed lente evolvitur, quamquam thrombus crescens eruptus secundo flumine ad apoplexiam embolo causa adducere potest. Duo typi thrombosum noti sunt:

Morbus vasorum magnorum^[8] — Tacta saepissmime sunt arteriae carotides communes ac internae, arteria vertebralis et circulus arteriosus Willisii.
Morbus vasorum minorum^[9] — Tacta sunt vasa minora ut rami circuli arteriosi Willisii, arteria cerebri media, rami arteriae basilaris (e.g. a. cerebelli inferior posterior).

Apoplexia cerebri ruptura vasis sanguinei causa (Apoplexia haemorrhagica)[recensere | fontem recensere]

Ruptura vasis sanguinei intracerebralis vel ruptura aneurysmatis cerebralis haemorrhagiam cerebri et symptomata apoplexiae cerebri efficere potest.

Apoplexiae cerebri hominum iuvenum[recensere | fontem recensere]

Morbi sanguinis (mutatio genetica factoris V (Lugduni), mutatio prothrombini, inopia proteini C, inopia proteini S, inopia AT-III), cellularum (MELAS), vasorum (dissectio arteriae carotidis, vasculitides), cordis (endocarditis, cardiomyopathia, foramen ovale patens/persistens), intestini crassi (colitis ulcerosa), cocaini heroinique, infectiones atque graviditas sunt causarum exempli.

Historia[recensere | fontem recensere]

Definitio annis 1763[recensere | fontem recensere]

I. I. Stahlius et Ioannis Iuncker in opere "Conspectus medicinae theoretico-practicae" scripserunt: "Apoplexia est praeceps et simultanea sensus ac motus per universum corpus talis abolitio, ut patientes vel simul et semel omnem harum rerum usum amittant, vel, si auditus et visus adhuc aliqua signa adsint, motuum tamen voluntariorum plena impotentia laborent; quae motuum plenaria remissio a taedio Principii vitalis a motibus, antea frustra institutis, originem ducit. Derivatur ab, άποπλήτω, percutio." (Tabula CII de apopolexia.)

Notae[recensere | fontem recensere]

↑ "I64: Apoplexia cerebri ut haemorrhagia sive infarctus non specificata" apud Stetoskop^{Nexus deficitur} e classificatione ICD-10.
↑ Everdingen, J. J. E. van, Eerenbeemt, A. M. M. van den (2012), Pinkhof Geneeskundig woordenboek, ed. decima (Houten: Bohn Stafleu Van Loghum).
↑ ^3.0 ^3.1 Arnaudov, G. D. (1964), Terminologia medica polyglotta. Latinum-Bulgarski-Russkij-English-Français-Deutsch (Serdicae: Editio medicina et physcultura).
↑ "What Is a Stroke?". 26 Martii 2014 .
↑ "What Are the Signs and Symptoms of a Stroke?". 26 Martii 2014 .
↑ N. R. Sims et H. Muyderman (2009), "Mitochondria, oxidative metabolism and cell death in stroke," Biochimica et Biophysica Acta 1802(1): 80–91 (pmid 19751827; doi:10.1016/j.bbadis.2009.09.003).
↑ Donnan G. A., M. Fisher, M. Macleod, et S. M. Davis (Maio 2008). "Stroke". Lancet 371 (9624): 1612–23 .
↑ Anglice: large vessel disease
↑ Anglice: small vessel disease

Bibliographia[recensere | fontem recensere]

Hamann, Gerhard F., Mario Siebler, et Wolfgang von Scheidt. 2002. Schlaganfall: Klinik, Diagnostik, Therapie, Interdisziplinäres Handbuch. Ecomed Verlagsgesellschaft. ISBN 3609519908.
Mohr, J. P., Dennis Choi, James Grotta, et Philip Wolf.2004. Stroke: Pathophysiology, Diagnosis, and Management. Novi Eboraci: Churchill Livingstone. ISBN 0-443-06600-0. OCLC 50477349 52990861.
Warlow, Charles P., Jan van Gijn, Martin S. Dennis, Joanna M. Wardlaw, John M. Bamford, Graeme J. Hankey, Peter A. G. Sandercock, Gabriel Rinkel, Peter Langhorne, Cathie Sudlow, et Peter Rothwell. 2008. Stroke: Practical Management. Ed. 3a. Wiley-Blackwell. ISBN 1-4051-2766-X.

Nexus interni

Nexus externus[recensere | fontem recensere]

Vicimedia Communia plura habent quae ad ictum spectant.

Diagnosis ac therapia ictus, www.uni-dusseldorf.de
Apoplexia cerebri apud Open Directory Project

[1] "I64: Apoplexia cerebri ut haemorrhagia sive infarctus non specificata" apud Stetoskop^{Nexus deficitur} e classificatione ICD-10.

[Pinkhof2012-2] Everdingen, J. J. E. van, Eerenbeemt, A. M. M. van den (2012), Pinkhof Geneeskundig woordenboek, ed. decima (Houten: Bohn Stafleu Van Loghum).

[Arnaudov-3] 3.0 ^3.1 Arnaudov, G. D. (1964), Terminologia medica polyglotta. Latinum-Bulgarski-Russkij-English-Français-Deutsch (Serdicae: Editio medicina et physcultura).

[HLB2014W-4] "What Is a Stroke?". 26 Martii 2014 .

[HLB2014S-5] "What Are the Signs and Symptoms of a Stroke?". 26 Martii 2014 .

[6] N. R. Sims et H. Muyderman (2009), "Mitochondria, oxidative metabolism and cell death in stroke," Biochimica et Biophysica Acta 1802(1): 80–91 (pmid 19751827; doi:10.1016/j.bbadis.2009.09.003).

[Donnan-7] Donnan G. A., M. Fisher, M. Macleod, et S. M. Davis (Maio 2008). "Stroke". Lancet 371 (9624): 1612–23 .

[8] Anglice: large vessel disease

[9] Anglice: small vessel disease

[1]

[2]

[3]

[4]

[5]

[6]

[7]

[8]

[9]