Fulvia (Marci Antonii uxor)

E Vicipaedia
Salire ad: navigationem, quaerere

Vide etiam paginam discretivam: Fulvia

Nummus urbis Fulvianorum, i.e. Eumeniae, imaginem Fulviae monstrans

Fulvia, M. Fulvii Bambalionis et Semproniae filia, fuit uxor P. Clodii qui ex ea genuit filium P. Claudium Pulchrum (qui praetor principe Augusto meruerit) filiamque Claudiam. Clodio interfecto Fulvia C. Scribonio nupsit. M. Antonius eam tertiis nuptiis amborum duxit.

Fulvia in bello civili[recensere | fontem recensere]

Multi auctores antiqui ei aviditatem crudelitatemque exprobraverunt. Proscriptionum cum marito particeps fuisse dicitur atque nomina nonnulla ipsa ignaro Marco Antonio in tabulas addidisse. Horribile dictu narrant caput Ciceronis in sinu posuisse atque cum linguam ex ore traxisset eam acu qua capillos retinebat punxisse, iocos improbos et iurgia simul proferentem[1]. Quae tamen fortasse in maius aucta sunt a scriptoribus Octaviano faventibus et Marcum Antonius omni modo detrectare conantibus.

Anno 41 a.C.n. sola in Italia cum liberis relicta, dum Antonius in Oriente apud Cleopatram moratur, Fulvia fratrem mariti Lucium Antonium, tum consulem ad bellum Perusinum ab historicis dictum contra Caesarem Octavianum stimulavit. Privatam quoque simultatis causam habebat, quia Octavianus (Augustus futurus) filiam Claudiam in matrimonium duxit, mox tamen intactam matri remisit. Quapropter a Velleio Paterculo[2] femina nihil muliebre praeter corpus ferens dicta est. Post deditionem Lucii in Graeciam cum liberis e Brundisio effugit et paulo post Sicyone anno 40 a.C.n. mortua est[3]. Urbem Eumeniam Phrygiae Antonius ad honorem uxoris renominavit.

Notae[recensere | fontem recensere]

  1. Dio Cassius 47.8. Appianus IV,124. Cf. Valerius Maximus IX.2.2
  2. II,74.
  3. Appianus BC V,249-250.

Fontes[recensere | fontem recensere]

Si vis plura legere...[recensere | fontem recensere]

  • "Fulvia. 2" in William Smith, ed., Dictionary of Greek and Roman Biography and Mythology (Londinii: Taylor & Walton, 1844-1849. Vol. 1, 2, 3) vol. 2 pp. 187-188
  • Charles L. Babcock, "The Early Career of Fulvia" in American Journal of Philology vol. 86 (1965) pp. 1-32
  • Ioanna Dareggi, "Sulle tracce di Fulvia, moglie del triumviro M. Antonio" in Augusta Perusia : studi storici e archeologici sull'epoca del bellum Perusinum, Perugia : Pliniana, 2012 : 107-115.
  • D. Delia, 'Fulvia reconsidered’ in Women's history and ancient history (cur. Sarah B. Pomeroy), Chapel Hill, 1991 : 197-217.
  • Robert Alexander Fischer, Fulvia und Octavia: Die beiden Ehefrauen des Marcus Antonius in den politischen Kämpfen der Umbruchszeit zwischen Republik und Principat. Berolini: Logos-Verlag, 1999. ISBN 3-89722-189-6
  • Geoffrey S. Sumi, "Power and Ritual: The Crowd at Clodius' Funeral" in Historia vol. 46 (1997) pp. 80-102

Nexus externi[recensere | fontem recensere]