Roman numeral 10000 CC DD.svg
Mille Paginae.png

Mollusca

E Vicipaedia
Salire ad: navigationem, quaerere
Mollusca
Aetas fossilium: 555–Recent Ma
Tonicella lineata, polyplacophorum seu chiton, pars anterior ad dexteram
Taxinomia
Regnum: Animalia
Superphylum: Lophotrochozoa
Phylum: Mollusca
Linnaeus, 1758
Classes
Diversity
85 000 species agnotae[1]
Cornu aspersum, coclea terrestris.

Mollusca sunt phylum animalium invertebratorum, cuius fere 85 000 exstant specierum. Maximum est phylum marinum, circiter 23 centesimas partes organismorum marinorum comprehendens, sed multa mollusca etiam aquas dulces terramque habitant. Valde inter se variant, non solum magnitudine et structura, sed etiam moribus et habitationibus. Phylum hodie dividitur in novem vel decem classes, quarum duae sunt omnino exstinctae. Mollusca cephalopoda, ut loligines et polypi, systema nervosum habent omnibus aliis invertebratis progressius, et Mesonychoteuthis hamiltoni maxima species invertebrata putatur. Gastropoda (cocleae et limaces) numero specierum sunt omnium molluscorum creberrima, 80 centesimas totius numeri componentia. Scientia molluscorum malacologia appellatur, ex Greaco μαλακός.

Mollusca amplexa sunt limaces, loligines, et octopoda, animalia invertebrata corpore molli fere in concha calcarea clauso, quae homines alimenta habent et quorum conchas ornatas magni aestimant.

Notae[recensere | fontem recensere]

  1. Chapman, A.D. (2009). Numbers of Living Species in Australia and the World, 2a editio. Australian Biological Resources Study, Canberra. ISBN 978-0-642-56860-1 (imprimata); ISBN 978-0-642-56861-8 (in interete).

Nexus externi[recensere | fontem recensere]

Wikispecies-logo.svg Vide Mollusca apud Vicispecies.
Commons-logo.svg Vicimedia Communia plura habent quae ad Mollusca spectant.
  • Mollusca, animaldiversity.ummz.umich.edu (Animal Diversity Web)
  • Mollusca, www.itis.gov (ITIS, NOAA)
  • Mollusca, www.ucmp.berkeley.edu (Universitas Californiae Berkeleiae)