Latinitas bona

Marsilius Ficinus

E Vicipaedia
Salire ad: navigationem, quaerere
Marsilius Ficinus

Marsilius Ficinus fuit philosophus Italus, natus anno 1433 Fighinarum, defunctus vero vitae anno 1499 Florentiae.

Marsilius Ficinus dux fuit Academiae Neoplatonicae Florentinae, quae quidem floruit sub auspiciis illius Cosmi de Medicea gente et successoris eius Laurentii Magnifici, in qua Ficinus Philosophiam Neoplatonicam plurimis tradidit.

Neoplatonicum cognovit philosophum Gemistum Plethonem, orationes cuius de Platone et de mysticis Alexandrinis ita Florentinam fascinaverunt societatem ut eum secundum appellaverint Platonem. Anno 1459 Ioannes Argyropoulus docebat Linguam Graecam litterasque in Florentia et Ficinus inter discipulos erat. Cum Cosimus Medices Platonis Academiam refundare statuit, Ficinum elegit rectorem, qui e Graeco in Latinum vertit opera Platonis (anno 1484 publicata), Porphyrii, Iamblichi, Plotini et Corpus Hermeticum. Scripsit praetera "Commentarium in Platonis Symposio", "De Vita Libros Tres" et "Theologiam Platonicam de immortalitate animae". Gemistus Pletho Ficino suggessit inter Platonismum Christianismumque coniunctionem invenire.

Ioannes Picus de Mirandola discipulus Ficini erat.

Bibliographia[recensere | fontem recensere]

  • Paulus Oscarius Kristeller, Marsilio Ficino and his work after five hundred years, Olschki, Florentiae 1987
  • Teodoro Katinis, Bibliografia Ficiniana. Studi ed Edizioni delle opere di Marsilio Ficino dal 1986, in «Accademia. Revue de la Société Marsile Ficin» II, 2000, p. 101-136
  • Teodoro Katinis & Stéphane Toussaint, Bibliographie ficinienne - mise à jour, in «Accademia. Revue de la Société Marsile Ficin» III, 2001, p. 9-21; ibid. IV, 2002, p. 7-18; ibid. V, 2003, p. 9-16
  • Thomas Gilbhard & Stéphane Toussaint, Bibliographie ficinienne - Mise à jour pour les années 2004-2006, in «Accademia. Revue de la Société Marsile Ficin» VIII, 2006, p. 7-21
  • Thomas Gilbhard & Stéphane Toussaint, Bibliographie ficinienne 2007-2009, in «Accademia. Revue de la Société Marsile Ficin» XI, 2009, p. 9-26
  • Thomas Gilbhard & Stéphane Toussaint, Bibliographie ficinienne 2010, in «Accademia. Revue de la Société Marsile Ficin» XII, 2010, p. 7-12

Nexus externi[recensere | fontem recensere]


David's face Haec stipula ad biographiam spectat. Amplifica, si potes!