Ionathas Stewart
| Ionathas Stewart | |
|---|---|
| Jon Stewart | |
 |
|
| Natus | 28 Novembris 1962 Urbe Novo Eboraco |
Ionathas Stewart (Anglice Jon Stewart, natus Jonathan Stuart Leibowitz), homo iocosus, anno 1962 in Civitatibus Foederatis Americanis natus. Agit partes convivatoris in programmate televisionis quod inscribitur The Daily Show with Jon Stewart (Latine Spectaculum quotidianum cum Ionatha Stewart), a canale televisionis Comedy Central vocato divulgatum. Habitat cum uxore duobusque liberis.
Index |
Vita [recensere]
Prima aetas [recensere]
Ionathas Stewart natus est die 28 Novembris 1962 Urbe Novo Eboraco, sed adolevit Novae Caesareae. Studuit psychologiae Collegio Guiliermi et Mariae in Virginia.
Artes ioculares [recensere]
Exercebat artem iocularem in theatris et pelliculis et televisione, in qua innotuit ingenio suo in programmate The Larry Sanders Show vocato (Latine: Spectaculum Laurentii Sanders). Tum anno 1999, Gregorio Kilborn dimisso, prodiit convivator Spectaculi quotidiani canalis Comedy Central multisque propter merita sua praemiis cumulatus est, ex quibus et illustria praemia "Emmy" et "Peabody".
Res civiles [recensere]
Deridet Spectaculum quotidianum pariter praecones nuntiorum, rei publicae duces, rerum civilium peritos, omnesque qui in foro Americano agant. Ionathas Stewart dum apparebat in programmate canalis CNN Crossfire vocato, programmatis convivatores ardenti oratione accusavit, quod effecit ut hoc programma tandem finem cepit. Quamquam haud pauci sunt imprimisque iuvenes qui Spectaculum quotidianum spectent tamquam fons esset nuntiorum de rebus publicis, Stewart semper hominem iocosum tantum se professus est.
Libri [recensere]
Scripsit America: Liber (Ad civem quomodo non agat in rebus publicis) (Anglice: America: The Book (A Citizen's Guide to Democracy Inaction)) cum Stephano Colbert aliisque anno 2004.
Vide etiam [recensere]
Nexus Externi [recensere]
 |
Vicimedia Communia plura habent quae ad Ionathas Stewart spectant. |
- http://www.thedailyshow.com/ The Daily Show with Jon Stewart
Fontes [recensere]
- De hoc homine in Indice Interretiali Pellicularum (Anglice)
- http://manhattan.about.com/od/famousnewyorkers/p/jonstewart.htm
