Demetrius Medvedev

Demetrius Medvedev
Дмитрий Медведев
Natus	14 Septembris 1965 Leninopoli

Demetrius Anatolii filius Medvedev (Russice: Дмитрий Анатольевич Медведев, tr. Dmitrij Anatol’evič Medvedev; natus 14 Septembris 1965) est rerum politicarum peritus Russicus, praeses Foederationis Russicae annis 2008–2012, praeses concilii ministrorum (primus minister) Russiae ab anno 2012.

Biographia

Demetrius Medvedev natus est die 14 Septembris anni 1965, Leninopoli in urbe (quae nunc Petropolis vocatur), in familia professoris. Alumnus est facultatis iuridicae Universitatis Publicae Leninopolitanae (nunc Petropolitanae), ubi annis 1988 – 1999 docuit. Annis 1990 – 1995 in administratione Petropolitana laborabat (ibi praefectus eius fuit Vladimirus Putin).

Anno 1999 Moscuam migravit. Annis 2000 – 2005 in administratione praesidis Foederationis Russicae laborabat. Ab die 14 Novembris anni 2005 ad diem 7 Maii anni 2008 erat vicarius ministri primarii. Die 10 Decembris anni 2007 Medvedev a factione Russia Unita («Единая Россия», Edinaja Rossija) propositus est sicut candidatus pro officio praesidis Russiae. Etiam "Russorum praesidens Vladimirus Putin a successore a se designato Demetrio Medvedev rector supremus futurus esse dicitur" . In electionibus ad praesidem Foederationis Russicae, quae die 2 Martii anni 2008 acciderunt, Medvedev plus 70,28% votorum accepit. Die 7 Maii anno illo ut praeses Russiae inauguratus, officium illud ad diem 7 Maii anni 2012 tenuit. Die postero praese ministrorum successor Vladimiri Putin nominatus est. Die 26 Maii anni 2012 electus est praeses factionis Russiae Unitae (Russice: «Единая Россия», tr. Edinaja Rossija), nonnullos dies ante socius eius factus.

Nexus externi

Vicimedia Communia plura habent quae ad Demetrium Medvedev spectant.

• T. Pekkanen, Medvedev a Putino sustinetur (Nuntii Latini Finnici)
• T. Pekkanen, Medvedev praesidens Russiae designatus (Nuntii Latini Finnici)

Antecessor: Vladimirus Putin

Praeses Russiae 2008–2012

Successor: Vladimirus Putin