Antirrhium

E Vicipaedia
Salire ad: navigationem, quaerere
Antirrhium
Antirriokastro.jpg
Nomen vernaculare Αντίρριο
IPA []
Regio Graecia Occidentalis
Unitas regionalis Elis
Demus Naupactia
Numerus incolarum 2598
(census anni 2011[1])
Latitudo 38° 20' N
Longitudo 21° 46' E
Cursuale
Situs Antirrhii in Graecia
Antirrhium (Greece)
Antirrhium
Antirrhium

Antirrhium (Neograece: Αντίρριο) est pristinus demus et portus regionis Graeciae Occidentalis ad Sinum Corinthium situs. Nomen "exadversum Rhium" valet, quae urbs in Peloponneso in contraria Sinus Corinthii ripa sita est.

Ex adminstratione reformata anni 2001 (vide: Libellus Callicratis) pars est regionalis Elis unitatis in regione Graecia Occidentali et unitas popularis (Δημοτική Ενότητα Αντιρρίου) Naupactiae demi.

Antirrhii in Naupactia demo et in regionali Elis unitate situs

Vicus in terrae lingua sita est, quae Sinum Patrensem a Sinu Corinthio separat. Ab anno 2004 pons 2.2 chiliometrorum (Pons Charilaus Tricupes; Graece publice Γέφυρα Χαρίλαος Τρικούπης, vulgo Γέφυρα Ρίου-Αντιρρίου) Antirrhium cum Rhio et ideo continentem Graeciae cum Peloponneso coniungit. Antirrhium nunc ad autoviam 5/E55 iacet, fere 10 km ab Patris et fere 209 km ab Athenis distans. Via GR-48/E65 Antirrhium cum Amphissa coniungit.

Historia[recensere | fontem recensere]

Antiquitate locus, qui ad Acarnaniam regionem pertinuit, ab urbe Molycria (Μολύκρεια/Μολυκρία) Molycrium Rhium vocatum est. Prope sunt etiam reliquiae urbis Macyniae. Turcis regnantibus locus propter fretum "Parvae Dardanellae" (Μικρά Δαρδανέλια) appellatus est.

Urbs natura loci in bellis magni momenti erat. Inde post Naupliam a Baiazethe II deletam (1499) Antirrhio pharus aedifictus est. Anno 1532 ab Andrea Auria duce copiarum Christianarum a fundamentis disiectus, anno 1669 a Francisco Morosini renovatus, pace Carlovicia icta rurus deletus et demum a Turcis denuo erectus est. His diebus exstat pharus (anni 1880) 9,5 metrorum in altitudinem et castrum.

Pons, qui Antirrhium cum Rhio coniunxit

Notae[recensere | fontem recensere]

Nexus externi[recensere | fontem recensere]