Dicksoniaceae

Cibotium menziesii

---

Plantae — Pteridophyta

Classis : Pteridopsida 
Subclassis : Cyatheatae 
Ordo : Cyatheales 
Familia : Dicksoniaceae 
M.R.Schomb.

   

Subdivisiones: Genera

Calochlaena

Dicksonia
Lophosoria
†Conantiopteris
†Coniopteris
†Erboracia
†Lophosoriorhachis
†Nishidicaulis

†Onychiopsis

Dicksoniaceae (nomen a Schomburgk anno 1849 statutum) sunt familia pteridophytorum tropicorum, subtropicorum, temperatorumque calidorum. Plurima familiae genera sunt plantae terrestres, vel truncos brevissimos habent prae pteridophytis familiae Cyatheacearum.

Aliquae maiores species nonnulla metra altae sunt; aliae sunt epiphyta. Dicksoniaceae plerumque in tropicis Hemisphaerii Australis regionibus habitant, usque ad Novam Zelandiam australem.

Familia ex Iacobo Dickson, botanistá et viro qui hortum egregie colebat, appellatur.

Morphologia

Speciebus Dicksoniacearum communiter sunt magnae frondes pinnatae, 1–4 m longae. Familia nonnullas comprehendit Cyathealium species, quae unum truncum gignunt, insigniter species generis Dicksoniae. Omnibus familiae speciebus sunt pili longi, gradatim decrescentes, cellulis in serie compositis, dissimiles squamarum Cyatheaceis propriarum.

Evolutio

Pteridophyta familiae Dicksoniacearum, Aevo Iurassico ineunte orta, usitate habentur prioria quam pteridophyta familiae Cyatheacearum.

Diversitas

Solum tria genera exstantia hác in familiá monophyletica agnoscuntur:

• Calochlaena
• Dicksonia
• Lophosoria

Bibliographia

• Classificatio Pteridophytorum et Congantorum
• Large, M. F., et J. E. Braggins. 2004. Tree Ferns. Timber Press. ISBN 0-88192-630-2.
• Smith, A. R., K. M. Pryer, E. Schuettpelz, P. Korall, H. Schneider, et P. G. Wolf. 2006. "Classificatio pteridophytorum exstantium" in Taxon 55(3):705–731.

Nexus interni

• Calochlaena dubia
• Cyatheales

Nexus externi

Vicimedia Communia plura habent quae ad Dicksoniaceas spectant.