Septem miracula Ienae

E Vicipaedia
Jump to navigation Jump to search

Ienae, in urbe praeclarissima, septem miracula laudantur et hoc epigrammate enumerantur.[1]

Ara, caput, draco, mons, pons, vulpecula turris,
Weigeliana domus: septem miracula Jenae.

miraculum primum: ara[recensere | fontem recensere]

sub ara transire licet

Inter Ienae urbis miracula refertur ea pars ecclesiae Sancti Michaelis, quae sub ara sita est et transitum praebet. Qua tempore medii aevi monachi ordinis Cisterciensis ad monasterium post ecclesiam situm transire solebant. Qui transitus camera est rationis Gothicae in altitudinem 12 pedum et in latitudinem 10 pedum perducta et usque adhuc exstans. Cum aedificia eius modi rarissime inveniantur, haec quoque pars ecclesiae St. Michaelis admiratione digna putatur.

miraculum alterum: caput[recensere | fontem recensere]

Ioannes hians

In pariete curiae Ienae urbis horologium summa arte est, quod tribus figuris circumdatum et ornatum est. Figura media est caput, cui nomen Ioannis hiantis (Theodisce Schnapphans) impositum est. Ille globum aureum baculo affixum captare conatur, cum hunc singulis horis viator (cuius figura parte sinistra invenitur) ei praebere coepit. Urbem Ienam perituram esse tradunt, si Ioannes ille hunc globum ore arripere potuerit. Tempore nostro in curia exemplar recens huius horologii affixum est, illud vetustissimum in museo ab iniquitate tempestatum defenditur.

miraculum tertium: draco[recensere | fontem recensere]

Draco horribilis

Draco figura quaedam taetra et pestifera est, cui septem capita, quattuor pedes, duae manus sunt. Ex ossibus, ferro, charta sculptus esse videtur. Sunt, qui suspicentur draconem tempore belli tricennalis vel ioci causa vel ad horrorem iniciendum factum esse. Alii putant studiosos theologiae olim ad ludos scaenicos faciendos draconem finxisse, ut partes diaboli ageret. Nam in libro Sanctae Apocalysis diabolus draco magnus rufus habens capita septem (Apc XII) describitur. Hodie asservatur in museo urbis Ienae.

miraculum quartum: mons[recensere | fontem recensere]

miraculum quintum: pons[recensere | fontem recensere]

vide sub voce pontis Ienensis

miraculum sextum: Vulpecula turris[recensere | fontem recensere]

vide sub voce Vulpeculae turris

miraculum septimum: Weigeliana domus[recensere | fontem recensere]

vide sub voce Weigelianae domus

notae[recensere | fontem recensere]

  1. W. Haun, Die sieben Wunder des alten Jena, 3. Aufl., Bucha bei Jena 2007