Latinitas bona

Premislia

E Vicipaedia
Jump to navigation Jump to search


Insigne civitatis Vexillum civitatis
Insigne Vexillum
Tabula geographica
Premislia (Poloniae)
Premislia
Premislia
Nomen Latinum: Premislia
Nomen Polonicum: Przemyśl
Premislia medii aevi

(prospectus e regione boreali ad meridiem)

Premislia.jpg
Indicia fundamentalia
vaivodatus: podkarpackie

(id est subcarpathensis)

Circulus urbanus: Premislia
Coordinata geographica: 49° 47′ 0″ Sept., 22° 46′ 0″ Ort.
Altitudo: 195 - 356 supra mare
area: 44,1 km2
Numerus incolarum (2014)
 - civitatis
 - spissitudo
 - in agglomeratione

63 467
1439 /km²
{{{aglomeracja}}}
Coniunctio communium cum: Communibus quae sunt haec:

Agria in Hungaria

Paderbronna (Paderborn) in Germania

South Kesteven in Anglia

numerus cursualis: 37-700 do 37-720
praefixum telephonicum: + (48) 016
nota autocineti: RP
Praeses civitatis: Robert Choma
Inscriptio cursualis curiae: Rynek 1
Numerus telephonicus curiae: (0-16) 678 68 20
Inscriptio electronica: mail@um.przemysl.pl
Pagina interretialis: http://www.przemysl.pl/


Premislia[1] (-ae, fem.) (Polonice: Przemyśl ['pʃεmiɕl], Ucrainice: Перемишль, Peremyšlj) est urbs et sedes munita in palatinatu subcarpathico (vulgo Podkarpackie) Poloniae orientalis. Quae urbs Ucrainae finitima etiam limes est Unionis Europeae.

Premisliani Polonice dicunt: "Przemyśl równy Rzymowi, bo też na siedmiu wzgórzach położon" ('Premislia aequalis Romae, quia in septem montibus locata est').

Historia[recensere | fontem recensere]

Premislia antiqua urbs Poloniae condita circa saecula septimum et octavum. Eo tempore in ea terra incolebat populus Slavicus, qui nunc lingua Polonica "Lędzianie", et in Medii Aevi diplomate Latino Lendizi, Lendzanenoi, Lendzaninoi appellabantur.

Historia antiqua (ante annum 981) valde incerta est. Haec tamen conici possunt:

Saeculo IXo Magnae Moraviae annexa est, et postea ad Monarchiam Bohemicam transiit. Verisimillime nomen "Premislia" ex prima Bohemica dynastia venit. Deinde, VIIIo decennio Xi saeculi, Premislia a Misicone I, duce Poloniae capta est.

Anno 981, Premislia a Vladimiro I, duce Ruthenorum, capta est. Scriba Ruthenicus scripsit (Ruthenice): "Idie Vladimir na lachiv i zajmaje ich hrady. Periemysl, Červien i inne hrady", id est: "Venit Vladimir ad Lachos (Lendizos/Polonos) et capit eorum oppida. Premisliam, Červienem et aliena oppida." Haec sunt prima verba de Premislia in Medii Aevi diplomate.

Anno 1018 Premislia a Boleslao I, qui eo tempore dux Poloniae erat (7 annos post rex coronandus fuit), in dicionem Poloniae reducta est. Quod ita factum est: Vladimiro erant duo filii. Patre mortuo ex his alter ducatum recepit, alter hereditate destitutus fratrem oppugnavit. Heres legitimus nunc a socero suo Boleslao auxilium petiit et assecutus est. Auxilio dato Boleslaus tamen cum copiis domum revertens Premisliam oppugnavit et recepit, 37 annos postquam a Vladimiro capta erat.

Ab Xo ad XIVum saec. multa bella de Premislia gesta sunt. Premislia alternis sub dicione Rutheniae, Poloniae et Hungariae erat. In 1343 a Casimiro III, rege Poloniae, capta est, sed anno 1370 Casimiro mortuo regnum eius a filio eius sororis - Ludovico I, qui iam erat rex Hungariae - hereditate acceptum est. Sic Ludovicus factus est rex duorum regnorum (Hungariae et Poloniae) et circa 1378-1379 mutavit fines inter ambo. Anno 1382 Ludovico mortuo filia eius maior - Maria - Regnum Hungaricum, et minor - Heduvigis - Regnum Polonicum hereditate accepit.

Ab 1387 usque ad 1772, Premislia erat pars Poloniae, ab 1772 usque ad 1918 Austriae, scilicet provinciae Galiciae. Tempore primi belli universali Premislia erat inter maximas urbes munitas Europae. Post bellum Imperium Austro-Hungaricum divisum et provincia Galicia Poloniae reddita est. Re publica Ucraina cupiente orientalem partem eius (ubi esset Premislia) sibi adiungere, antiqua bella de urbe Premislia inter Polonos et Ruthenos renovata sunt.

Ab 1919 usque ad hunc diem Premislia pars est Poloniae.

Anno 1939 (tempore secundi belli universalis) Germani et Sovieti diviserunt Poloniam. Fluvius San erat limes - una pars Premisliae erat sub occupatione Sovietica et altera sub Germanica. Anno 1941 amicitia Sovietico-Germanica habebat finem. Eo tempore nova pars belli habebat principium. Germani faciebant bellum contra Unionem Sovieticam. Ab 1941 usque ad 1944 Premislia erat omnis occupata a Germania. Anno 1944 Germanis se recipientibus Sovieti reversi sunt.

Ab 1944 Premislia est iterum in Polonia, sed ab 1944 ad 1989 Polonia erat pars eius foederis quod ab Unione Sovietica dominabatur.

Ab 1976 usque ad 31 Decembris 1998 Premislia erat sedes palatinati Premisliensis.

Notae[recensere | fontem recensere]

  1. J. G. Th. Graesse, Orbis Latinus (Dresdae: Schönfeld, 1861; 1909. Brunsvici, 1972, 3 voll.) 1 2 3

Nexus externi[recensere | fontem recensere]

Commons-logo.svg Vicimedia Communia plura habent quae ad Premisliam spectant.