Lucius Iulius Caesar (consul 90 a.C.n.)

E Vicipaedia

Vide etiam paginam fere homonymam: Lucius Iulius Caesar (consul 64 a.C.n.)

Lucius Iulius Caesar (natus circa annum 135 a.C.n., mortuus Romae anno 87 a.C.n.) fuit vir publicus Romanus.

Gens[recensere | fontem recensere]

Pater Lucius Iulius Caesar Strabo, mater quaedam Popillia erat. Et frater eius Gaius Iulius Caesar Strabo Vopiscus cursum honorum coepit nec non tragoedias composuit. Fuit pater et illius L. Iulii Caesaris, qui consulatum gessit anno 64 a.C.n. et Iuliae, quae mater fuerit Marci Antonii triumviri.

Cursus honorum[recensere | fontem recensere]

Lucius Iulius Caesar anno 100 a.C.n. ut familiares contra tribunum plebis seditiosum Lucium Appuleium Saturninum egit. Anno 94 a.C.n. aut antea praetor fuit. Anno 90 a.C.n. una cum Publio Rutilio Lupo consulatum adeptus est. Tum inter bellum sociale contra Samnites certavit.[1] Legem tulit (lex Iulia de civitate), qua socii fideles civitatem Romanam acciperent atque ita bellum composuit.[2] Anno 89 a.C.n. censor fuit, una cum P. Licinio Crasso. Tum censores novos cives qui post bellum sociale e legibus Plautia-Papiria et Iulia de civitate Latinis et sociis danda civitate donati erant, in tribus diviserunt. Cum factio Mariana anno 87 a.C.n. Romam expugnasset, Lucius una cum fratre necatus est et cadaver dilaceratum.[3]

Nexus externi[recensere | fontem recensere]

Bibliographia[recensere | fontem recensere]

Notae[recensere | fontem recensere]

  1. ↑ Appianus Alexandrinus, Bella Civilia 40-42; Titus Livius, Periochae LXXIII.
  2. ↑ Marcus Tullius Cicero, pro Balbo 21; Aulus Gellius, Noctes Atticae IV 4,3; Appianus Alexandrinus, op.cit. 47. Lorenzo Gagliardi, "Réflexions sur la lex Iulia de civitate", Revue historique de droit français et étranger, 2019ː19-30. William Seston, "La Lex Julia de 90 av. J.-C. et l'intégration des Italiens dans la citoyenneté romaine",Publications de l'École Française de Rome, 1980ː 19-32
  3. ↑ Valerius Maximus IX,2,2.



Antecessores:
Sextus Iulius Caesar et Lucius Marcius Philippus 		Consul
90 a.C.n.
cum
Publio Rutilio Lupo 		Successores:
Gnaeus Pompeius Strabo et Lucius Porcius Cato


Haec stipula ad biographiam spectat. Amplifica, si potes!

Receptum de "https://la.wikipedia.org/w/index.php?title=Lucius_Iulius_Caesar_(consul_90_a.C.n.)&oldid=3756893"