Kamyschin
Locus: 50°5′0″N 45°24′0″E
Numerus incolarum: 111 100
Zona horaria: UTC+04:00, UTC+3
Situs interretialis
Gestio
Geographia
Kamyschin[1] (Russice Камышин) est urbs in regione Volgogradensi Russiae. In ripa dextra Volgae fluminis (vel receptaculi aquae Volgogradensis), in ostio Kamyschinkiae[2] fluminis situs est. Incolas 111 775 anno 2017 habuit. Volgae latitudo in Kamyschin quattuor vel quinque chiliometra est; in ripa laeva Nicolaopolis urbs stat.
Historia[recensere | fontem recensere]
Ordae Aureae colonia loco Kamyschin hodierni fuit. Anno 1667, Stephanus Razin per Kamyschinkam in Volgam exiit et rebellionem coepit. Anno 1668 in ostio Kamyschinkae arx aedificata est; anno 1670 a copiis Razin incensa est, sed restituta. Petrus I hic canalem inter Volgam et Tanaim fodere statuit, sed opus imperfectum mansit. Sloboda erat pyrobolistarum, quae Demetriopolim nomen in honorem Demetrii Thessalonicensis habebat. Anno 1708 a Condratio Bulavin, annoque 1778 ab Aemiliano Pugačëv, Demetriopolis captus est. Anno 1780 a Catharina II in numero urbium Demetriopolis perscripta est et nomen hodiernum cepit. Commercio in Volga florente, urbs crescebat.
Notae[recensere | fontem recensere]
- ↑ Eduardi Eversmann Fauna lepidopterologica Volgo-Uralensis (Casani, 1844), 6. (Textus apud Google Books).
- ↑ Augustini Meyerberg Iter in Moschoviam, in: Historia Ruthenicae scriptores exteris saeculi XVI., vol. II, p. 385.
Nexus externi[recensere | fontem recensere]
![]() |
Situs geographici et historici: Locus: 50°5′0″N 45°24′0″E • GeoNames • Thesaurus Getty • Большая российская энциклопедия • Encyclopædia Britannica |