Irtis
 Irtis flumen in Omio | |
| Longitudo | 4248 chm |
|---|---|
| Decursus aquae | 3000 (in ostio) m³/s |
| Area systematis | 22 300 chm² |
| Fons | Confluentia Džalgyzagat-Khe et Ul-Turgen-Khe fluminum |
| Ostium | Obius |
| Regio | Res Publica Popularis Sinarum, Casachia, Russia |
Irtis[1] (Casachice Ертіс, Ertis; Russice Иртыш, Irtyš; Sinice 额尔齐斯河, É'ěrqísī hé, in lingua Chantyensi Тангат) est flumen in Asia. E montibus Altai per territoria Rei Publicae Popularis Sinarum (in Turcestania Sinensi), Casachiae et Foederationis Russicae (in regionibus Omiensi et Tumenensi) fluens, 4248 chiliometra patet et in districtu autonomo Chanty-Mansiensi in Obium se effundit. Affluentium mundi longissimum est.
Receptaculum aquae Buchtarmense[2] in Casachia in Irti constructum est, quod lacum Zaissan[3] priscum inclusit. Tobol, Omus, Tara, Ischimus, Conda, Schischus flumina in Irtim se effundunt. Pars Irtis ante Zaissan saepe Irtis Niger nominatur. Petropylae et Septem Palatia et Paulodorum et Omium et Iyrcopolis urbes in ripa Irtis stant (Iyrcopolis haud longe ab ostio).
Notae[recensere | fontem recensere]
- ↑ Henrici Scherer Tabellae geographicae, p.; Petri Simonis Pallas Zoographia rosso-asiatica; seu Irtisch (Atlas Russicus, p.7), Irtyschius (Ieremiae Iacobi Oberlini Iungendorum marium fluviorumque omnis aevi molimina..., Argentorati 1775, p. 104).
- ↑ Norae Zabinkovae et Moysis Kirpicznikov Nomina physico-geographica principalia URSS s.v. Бухтарминское вдхр.
- ↑ Norae Zabinkovae et Moysis Kirpicznikov Nomina physico-geographica principalia URSS s.v. Зайсан.
Nexus externi[recensere | fontem recensere]
|
Situs geographici et historici: Locus: 47°24′52″N 90°12′56″E, 61°4′50″N 68°49′50″E • OpenStreetMap • GeoNames • Store norske Lexikon • Большая российская энциклопедия • Encyclopædia Britannica |
|
Vicimedia Communia plura habent quae ad Irtim fluvium spectant. |