Georgius Hermann

Georgius Hermann (natus Georg Hermann Borchardt Berolini die 7 Octobris 1871; mortuus Osvecimiae die 19 Novembris 1943) fuit scriptor et criticus Germanicus.

Vita

Filius mercatoris Berolini scholas Askanisches Gymnasium et Friedrichswerdersches Gymasium frequentavit. Absolutorio scholastico recepto anno 1890 in moribus mercatoris institutus est, antequam tirocinium in focalibus vendendis fieret. Postquam Monaci stipendia meruit (de quibus pneumonia tempus detraxit), municipium Berolinense eum in statisticis laborare sivit. Annis inter 1896 et 1899 in universitate Berolinensi praelectiones in litteris et historia artis auscultans ipse criticus et scriptor factus est (Der Simplicissimus und seine Zeichner, 1900; Die deutsche Karikatur im 19. Jahrhundert, 1901; Wilhelm Busch, 1902; Max Liebermann, 1904).

Quamvis iam in schola opuscula pangere coepisset (adumbrationes legi possunt in periodico Jugend et Simplicissimus) et praeter mythistoriam Spielkinder (1896) tres tomos orationis prosa solutae edidisset, fama serius cum mora venit. Fabula romanensis Jettchen Gebert (1906; anno 1908 autem opus continuato volumine Henriette Jacoby unitum est ad titulum Jettchen Geberts Geschichte) statim gloriam apportavit. Tamquam auctor Berolini et interdum Neckargemünd vitam degebat. Iudaeus iam ante Primum bellum mundanum ludibria et minas criciti antisemitici Adolphi Bartels passus^[1] anno 1933 patriam reliquit et Bataviam petivit. Mense autem Iunio 1943 Westerbork Drenthiae a Germanis arreptus mense Novembri in castra carceralia Auschwitz pulsus est, ubi interfectus est.

Ludovicus Borchardt frater fuit aegyptologus et archaeologus.

Gravitudo

Inter litterarum historicos maximi momenti est historia praetitulata Jettchen Geberts Geschichte ubi compassione magna sors puellae cuiusdam Iudaeae narratur. Quae inter mores familiae et amorem virorum duorum oscillatur et paulatim conteritur. Fabula dat imaginem, cui fidi potest, et de Iudaeis Berolinensisbus et de habitu civium tempore Biedermeier ante res novas anno 1848 venturas. Similiter pluribus mythistoriis sunt argumenta de vita burgensi Iudaica cum tenore autobiographico. Interdum opera quasi in cyclis dantur, e.g. vita burgensium doctorum Iudaicorum ex anno 1900 usque monarchiae finem (1918) et ad tempus inflationis monetalis (Eine Zeit stirbt, 1934). Praeterea classes sociales inferiores (Kubinke, 1910) et intimas (Rosenemil de contubernalibus; Amstelodami 1935) descripsit et res historiae Borussicae (Grenadier Wordelmann, 1930).

Eius fabulae Milesiae delectationi sunto, cum sale et sapientia; quarum qualitatem raro in litteris Theodiscis inveneris (si agitur de litteris oblectationis). Quoniam scripta lectores et captant et illuminant. Personae vel in politica cotidiana partes suas agunt et classem suam socialem active repraesentant. Compositio autem classica putetur, sermo in litteris adhibitus normam tenet nisi dialectu Berolinensi interrumpitur. Quod ad philosophiam spectat Hermann modum in perfusorium quaestiones maximi momenti (socialis) tangit et fati caeci dominationem mittit. Id mirum est, quoniam Hermann finem monarchiae desideravit (cf. November achtzehn, 1930) et se advocatum hominum bello, paupertate, extorsione percussorum fecit. Ante omnia autem patefecit antisemitismum cultum atque humanitatem in Germania deleturum esse (Der doppelte Spiegel, 1926).

Opera alia

Mythistoriae

Doktor Herzfeld, I: Die Nacht des Doktor Herzfeld, 1912, II: Schnee, 1921
Heinrich Schön jr. 1915
Einen Sommer lang, 1916
Der kleine Gast, 1925
Tränen um Modesta Zamboni, 1927
Träume der Ellen Stein, 1928
Das Buch Ruth, 1931
Ruths schwere Stunde, 1934
Der etruskische Spiegel, 1936
B. M., der unbekannte Fußgänger, 1936 (autobiographica)

Novellae

Modelle, 1897
Die Zukunftsfrohen, 1898
Aus dem letzten Hause, 1898
Sehnsucht, Ernste Plaudereien, 1909
Der Guckkasten, 1916
Kleine Erlebnisse, 1919

De arte et politica

Skizzen und Silhouetten. Gesammelte Kunstaufsätze., 1902
Aus guter alter Zeit, 1913
Das Biedermeier im Spiegel seiner Zeit. Eine Sammlung aus Briefen, Tagebüchern, Memoiren, Volksszenen und ähnlichen Dokumenten, 1913
Vom gesicherten und ungesicherten Leben, 1915
Randbemerkungen (1914–17), 1919
Spaziergang in Potsdam, 1926
Holland, Rembrandt, Amsterdam, 1926
Die Zeitlupe, 1928
Vorschläge eines Schriftstellers, 1929
Pro Berlin, 1931

Dramata

Der Wüstling, oder: Die Reise nach Breslau, 1911
Jettchen Gebert, 1913
Henrielle Jacoby, 1915
Mein Nachbar Ameise, 1917
Frau Antonie, 1925

Nexus externi

Vicimedia Communia plura habent quae ad Georgium Hermann spectant.

Lexica biographica: • Deutsche Biographie • Treccani •

Notae

↑ Cf. hoc: Hermann verrät auch bei Darstellung deutscher Menschen und Verhältnisse jene unangenehme jüdische Überhebung, die sicher für die mit ihr Behafteten einmal sehr unangenehme Folgen haben wird.

[1] Cf. hoc: Hermann verrät auch bei Darstellung deutscher Menschen und Verhältnisse jene unangenehme jüdische Überhebung, die sicher für die mit ihr Behafteten einmal sehr unangenehme Folgen haben wird.

[1]