Roman numeral 10000 CC DD.svg

Forfex

E Vicipaedia
Jump to navigation Jump to search
Forfex fortasse saeculi secundi, fortasse ex Trapezunte, colonia Romana in Turciae hodierna. Metallica caelaturae designatio modo Aegyptico significat hoc exemplum factum esse ad artem Aegyptiam imitandum. Forfice clusa, canis felesque apud apices facie ad faciem videntur.[1]

Forfex est instrumentum secandi quod manu tenetur. In pari laminarum metallicarum usitate consistit, quae in axe tam ponuntur ut acies acutae contra se labantur cum manubria adversus axem claudantur.

Commune forficis genus.
Forfices manuum laevae (laeva parte) et dextrae (dextra parte).

Adhibetur forfex ad varias materies tenues secandas, inter quas sunt charta, carta crassior, folium metallicum, textum, funis, filum. Multis forficum generibus sunt proposita praecipua, quorum forfex tondendi et forfex coquinatoria sunt exempla nota. Forficibus tondendi sunt certi laminarum anguli ad capillos secandos aptissimi: capillis forfice haud apta secatis erit maius detrimentum. Forfices coquinatoria cibos sicut carnes secant et putant. Forfices etiam in avocamentis aliisque artibus oblectationis utiles sunt.[2]

Forfices hodiernae ergonomice saepe designantur, ex thermoplastica cum manubriis e latice compositis, quae sinunt ut homo comprehensionem aut validam aut exactam adhibeat.

Pinacotheca[recensere | fontem recensere]

In pelliculis[recensere | fontem recensere]

Tres Parcae (1540–1550). Mulier media forficem manu dextra tractat. Pictura ab Ioanne Antonio Bazzi facta, nunc in Palatio Barberinorum Romae exhibita.

Nexus interni

Notae[recensere | fontem recensere]

Bibliographia[recensere | fontem recensere]

  • Auch, Alison. 2003. Garden tools. Minneapoli Minnesotae: Compass Point Books. ISBN 0756504481.
  • Hannigan, Paula. 2006. The super scissors book. Illustrationes Brenda Sexton; photographemata Peter Fox et Joseph Quever. Palo Alto Californiae: Klutz. ISBN 9781591742036, ISBN 159174203X.
  • Leech, Christine. 2014. Scissors, paper, craft: 30 pretty projects all cut, folded, and crafted from paper. Photographemata a Keiko Oikawa facta. Hauppauge Novi Eboraci: Barron's. ISBN 9781438004709, ISBN 1438004702.

Nexus externi[recensere | fontem recensere]

Commons-logo.svg Vicimedia Communia plura habent quae ad forficem spectant.