Eino Leino

Res apud Vicidata repertae:

Nativitas: 6 Iulii 1878; Paltamo, Hövelö
Obitus: 10 Ianuarii 1926; Tuusula
Patria: Finnia
Nomen nativum: Armas Einar Leopold Lönnbohm

Officium

Munus: linguista, poëta, diurnarius, Interpres, scriptor scaenicus, scriptor, criticus litterarum

Familia

Coniunx: Aino Kajanus, Hanna Laitinen, Freya Schoultz
Proles: Eya Helka

Memoria

Sepultura: Sepulcretum Hietaniemi

Eino Leino (natus Armas Einar Leopold Lönnbohm Paldamone in communi Finnico die 6 Iulii 1878; mortuus Tuusulae die 10 Ianuarii 1926) fuit poeta, diurnarius, scriptor, et interpres Finnicus, qui inter praecursores poesis Finnicae numeratur et poeta nationalis Finniae habetur. Res quae saepe in eius operibus leguntur sunt natura, amor, et depressio animi.

Praeter poemata, mythistorias fabulasque composuit. Eius opera sub specie poematis epici Kalevala et romanticismi nationalista videntur. Annis ab 1912 ad 1914 conversio tripertita Finnica ab Eino Leino conscripta de Divina Comoedia Dantis Alagherii edita est. Helkavirsiä, opus anno 1903 editum, in Latinam conversum est a Thoma Pekkanen Latinista Finnico.

Dies sextus Iulii, dies natalis eius, Dies Eino Leino (Finnice Eino Leinon päivä) rite ex 1992 appellatur, cum homines poesin Finnicam atque adeo aestatem celebrent, vexilla nationalia sollemniter tollentes.^[1]

Leino plus quam septuaginta poemata fabulasque protulit, quorum operum clarissima sunt Helkavirsiä, duo poematum corpora (1903 et 1916), in quibus mythologia Finnica et scientia populari Finnica penitus utitur.^[2]

Opera selecta[recensere | fontem recensere]

Tuonelan joutsen, 1898 ('Cygnus Tuonelae')
Helkavirsiä, 1903 (fere 'Cantica Pentecostalia')
Talvi-yö, 1905 ('Nox hiemalis')
Alkibiades, 1909 ('Alcibiades')
Juhana Herttuan ja Catharina Jagellonican lauluja, 1919 ('Cantiones Ioannis Ducis et Catharinae Jagellonicae')
Shemeikan murhe 1924 ('Maeror Shemeikkae')

↑ Nevala, Maria-Liisa. Leino, Eino (1878–1926). . Kansallisbiografia: The National Biography of Finland (Biografiakeskus, Suomalaisen Kirjallisuuden Seura) .
↑ Liukkonen, Petri. Eino Leino. . Books and Writers (kirjasto.sci.fi) (Finland: Kuusankoski Public Library)

Lexica biographica: • Большая российская энциклопедия • Gran Enciclopèdia Catalana • Deutsche Biographie • Store norske leksikon

Vicimedia Communia plura habent quae ad Eino Leino spectant.

Vicicitatio habet citationes quae ad Eino Leino spectant.

Poemata Eino Leino apud Runosto.net.
De Eino Leino, 375 Humanistia, 15 Martii.2015, Ordo Artium in Universitate Helsinciensi.