Barnaulia
 |
|||||
|
|||||
| Res politicae | |||||
|---|---|---|---|---|---|
| Natio | Russia | ||||
| Condita | circa 1730 | ||||
| Res geographicae | |||||
| Area - tota |
322,01 km² |
||||
| Numerus incolarum 2016 - Spissitudo |
635 585 1973,81 incolae/km² |
||||
| Coordinata | 53° 20′ 49″ Sept., 83° 46′ 37″ Ort. | ||||
| Altitudo | 180 m | ||||
| Situs interretialis: http://barnaul.org/ | |||||
.png)
Barnaulia[1], vulgo Barnaul[2] (Russice: Барнаул), urbs est in Russia, metropolis territorii Altaici (Russice: Алтайский край, Altajskij kraj). Circiter 635 milia incolarum habet (anno 2016).
Urbs illa sita est in Siberia occidentali, in ripa sinistra fluminis Obii. Eo loco in Obium influit amnis Barnaulka — ex appellatione amnis illius, olim Barnaul[3] vocatae, nomen urbis genuit.
Barnaulia condita est anno 1730 aut 1739 a negotiatore Demidov, et anno 1771 facta est urbs. Ab anno 1747 ad annum 1917, Barnaulia erat metropolis districti Altaici (Russice: Алтайский округ, Altajskij okrug), propriae possessionis imperatoris Russiae.
Nunc Barnaulia est forum industriae, commercii, scientiae culturaeque Siberiae occidentalis. Ibi sunt officina, instituta educationis (e.g. Universitas Publica Altaica, Universitas Publica Paedagogica Altaica, Universitas Publica Technica Altaica, Universitas Publica Medica Altaica, etc.), musea et theatra.
Barnaulia portum ad Obium fluvium, stationem ferriviariam et aeroportum habet.
Notae[recensere | fontem recensere]
- ↑ Laxmann, Minera argenti cornea chemice examinata et descripta // Novi commentarii Academiae Scientiarum Imperialis Petropolitanae, tomus XIX., p. 489; Pallas, Flora Rossica, tomi I. pars II., p. 186
- ↑ Ledebour, Flora Altaica, tomus I.; Schlechtendal, Eleagnacearum in Candollei prodromo (Vol. XIV.) expositarum adumbratio // Linnaea, Vol. XX., p. 341
- ↑ Gmelin, Flora Sibirica, tomus I., p. xxxii
Nexus externi[recensere | fontem recensere]
 |
Vicimedia Communia plura habent quae ad Barnauliam spectant. |
