Astacus stilo Newberg

E Vicipaedia
Jump to navigation Jump to search
Ars coquinaria Civitatum Foederatarum: Astacus stilo Newberg (lobster Newberg)

Astacus stilo Newberg,[1] Anglice lobster Newberg, est ferculum gastronomiae Neo-Eboracensis in Civitatibus Foederatis. Methodus a Beniamino Wenberg nauta inventam esse fertur. Illum Carolo Delmonico conditori Caroloque Ranhofer coquo popinae Delmonico's[en] Novi Eboraci in urbe anno 1876 primum monstravisse; eos methodo paulo mutata, amicitia nautae abrupta, ferculum a convivis semper laudatum sub nomine Newberg loco Wenberg continuo intulisse.[2] Ipse Ranhofer anno 1894 methodum divulgavit sub rubrica "lobster à la Newberg or Delmonico" in libro The Epicurean divulgavit.[3]

Popina Delmonico's[en] Novi Eboraci in urbe pictus eodem fere anno quo coquus Carolus Ranhofer librum The Epicurean divulgaverit

Astaci viventes bulliantur, frigescere sinuntur. Caudae bracchiaque dissecantur atque una cum taumali breviter butyro friguntur. Iure e cramo, butyro soluto, pulvere cayennae, spiritu Cognacensi, vino Xerae (aut apud alios Maderaico) breviter et leviter coquuntur. Frusta astacorum in patellis disponuntur. Eodem iure, iam cramo vitellisque ovorum conspissato, teguntur. Inferuntur.

Notae[recensere | fontem recensere]

  1. Haec appellatio a Vicipaediano e lingua indigena in sermonem Latinum conversa est. Extra Vicipaediam huius locutionis testificatio vix inveniri potest.
  2. #O'Connell "The unusual story"
  3. #Ranhofer (1894)

Bibliographia[recensere | fontem recensere]

Praecepta

Nexus externi[recensere | fontem recensere]