Alma Mater Lipsiensis

E Vicipaedia
Salire ad: navigationem, quaerere

Universität Leipzig
Alma Mater Lipsiensis

PaulinumAugusteum72012.JPG
Vulgo: Universität Leipzig

Sententia Aus Tradition Grenzen überschreiten
Condita 1409
Dos 320,417 Mio. €
Operarii 8933
Discipuli 28.125
Locus Lipsia, Germania
Situs interretialis www.uni-leipzig.de

Universitas Lipsiensis (Alma Mater Lipsiensis) (AML) maxima universitas est Lipsiae. Condita anno 1409 vetustissima est omnium universitatum in finibus Germaniae hodiernae praeter universitatem Heidelbergensem anno 1386 institutam.

Historia[recensere | fontem recensere]

Principium[recensere | fontem recensere]

Vestitus studentium universitatis inter annos 1409 et 1709

Cum imperator Romanus Venceslaus IV controversiis propter rebellionem Hussitorum eruptis in universitate Carolina Pragense nationem Bohemicam omnibus anteponeret anno 1409 circa 1000 magistri studentesque Lipsiam profecti sunt. Eodem anno quod dicitur studium generale per Alexandrum V papam confirmatum est. Johannes Otto Munsterbergensis primus rector electus est.

Universitas eo tempore quartas in nationes divisa fuit: factio Misniensis, factio Saxonica (qua etiam studentes Scandinavici et Anglici complecti sunt), Bavariensis (quae quoque civitates Europae meridionalis continuit) et factio Polonica (etiam civitates Europae orientalis ad eam pertinuerunt). Initio a ducibus Friderico et Gulielmo universitati decreti sunt quotannis 500 aureorum.

Anno 1415 valetudinarium Lipsiense ad universitatem pertinens conditum est. Anno 1543 monasterio ordinis fratrum praedicatorum suscepto institutio valde amplificata est. Paulo post ecclesia Sancti Pauli per Martinum Lutherum monachum ecclesia universitatis dedicata est.

Collegia[recensere | fontem recensere]

Aedificia propria universitatis collegia nominabantur. Ibi magistri disputandi docendive causa conveniebant, ibique habitabant. E dandis vectigalibus et iurisdictione reliquae urbis excepti erant.

Iam anno 1409 dux Saxoniae universitatem dua aedificia dono dedit, quare collegia ducis nominabantur.

Collegium rubrum anno 1880

Anno 1416 Collegium virginum universitati additum est. Nomen accepit ab ecclesia vicina nomine Collegium Beatae Mariae Virginis. Priusquam motio religiosa reformatio nuncupata orta est exstabat etiam collegium Cisterciense.

Incrementum usque ad 19. saeculum[recensere | fontem recensere]

Augustaeum ecclesiaque anno 1890
Universitas anno fere 1900

Universitas magis magisque florere coepit. Cum anno 1725 Ioannes Christophorus Gottsched docere suscepisset fama sua brevi post latissime disseminata est, qua de causa iuvenes summi ingenii (Lessing, Klopstock, Goethe) eo conveniebant. Dum numerus studentum constanter crescebat anno 1836 aedificium a Carolo Friderico Schinkel designatum nomine Augustaeum errectum est. Anno 1848 cum ubique in Germania tumultus eruperent studentes res novas cupientes saepimenta in viis posuerunt. Anno 1891 Bibliotheca Albertina exstructa est.

Usque ad finem secundi belli mundialis[recensere | fontem recensere]

Bello orbis terrarum primo facto studentes se cupidos rerum priscorum conservandorum praebuerunt vexillumque regium Saxoniae proposuerunt; cum seditio operarium in urbe exardesceret pars studentium arma cepit eamque acerbe dimicans repugnavit. Iam anno 1931 Nationalistica Socialisticaque Operariorum Factio Germanica in consilio universitatis praevaluit. Postquam ea factio omnium rerum Germaniae potita est decima fere pars magistrorum e universitate expulsa est. Mense novembre 1933 100 professores epistulam ad electionem Adolphi Hitler vocantem subscripserunt. Bello orbis terrarum secundo erupto universitas una inter quattuor universitates Germaniae Maioris nominata est.

Universitas Caroli Marx[recensere | fontem recensere]

Aedificium principale Universitatis Caroli Marx anno 1975.

Finito bello maior pars aedificorum maximaque pars librorum perdita est. Mense Februario 1946 universitas reaperta est. Cum paulo post res publica democratica Germanica condita esset universitas propter doctrinam Socialisticam totae rei publicae impositam non iam libera fuit. Anno 1953 renominata est Universitas Caroli Marx Lipsiensis. Aedificia veteria solum partim laesa anno 1968 deleta sunt. In locum eorum domus praealta aedificata est, postquam cetera aedificia more socialistico errecta sunt.

Status post restitutionem unitatis Germaniae[recensere | fontem recensere]

Domus praealta "Gigas universitatis" nuncupatur

Anno 1990 unitate Germaniae per motu populare restituta reconstructio universitatis, cuius nomen anno 1991 iterum Alma mater lipsiensis factum est, coepit.

Chorus universitatis[recensere | fontem recensere]

Universitati Lipsiensi est proprius chorus universitatis.

Loci[recensere | fontem recensere]

Aedificia[recensere | fontem recensere]

Tabula universitatis
Aedificium seminariorum novum
Domus praealta olim ad universitatem pertinuit.

Aedificium artium humanisticarum[recensere | fontem recensere]

Facultas artium humanisticarum hoc aedificium habet

Unum fere chilometrum ab aedificio principale abest aedificium artium humanisticarum. Ibi facultates historiae, philosophiae aliarumque artium liberalum sedem habent.

Facultates[recensere | fontem recensere]

Habet universitas quattuordecim facultatum:

  • Facultas theologica
  • Facultas iuridicialis
  • Facultas ad historiam, artem et culturam Orientis spectans
  • Facultas philologica
  • Facultas educationis
  • Facultas philosophica
  • Facultas oeconomica
  • Facultas athletarum
  • Facultas medica
  • Facultas mathematicae
  • Facultas ad biologiam psychologiamque spectans
  • Facultas physica
  • Facultas chemica
  • Facultas veterinariarum

Magistri noti[recensere | fontem recensere]

Nexus externi[recensere | fontem recensere]