Alexander Alexandrov
![Alexander Alexandrov: imago](http://upload.wikimedia.org/wikipedia/commons/thumb/b/bc/%D0%90%D0%BB%D0%B5%D0%BA%D1%81%D0%B0%D0%BD%D0%B4%D1%80_%D0%92%D0%B0%D1%81%D0%B8%D0%BB%D1%8C%D0%B5%D0%B2%D0%B8%D1%87_%D0%90%D0%BB%D0%B5%D0%BA%D1%81%D0%B0%D0%BD%D0%B4%D1%80%D0%BE%D0%B2.jpg/150px-%D0%90%D0%BB%D0%B5%D0%BA%D1%81%D0%B0%D0%BD%D0%B4%D1%80_%D0%92%D0%B0%D1%81%D0%B8%D0%BB%D1%8C%D0%B5%D0%B2%D0%B8%D1%87_%D0%90%D0%BB%D0%B5%D0%BA%D1%81%D0%B0%D0%BD%D0%B4%D1%80%D0%BE%D0%B2.jpg)
Obitus: 8 Iulii 1946; Berolinum
Patria: Imperium Russicum, Unio Sovietica
Familia
Memoria
Alexander Basilii filius Alexandrov (Russice: Александр Васильевич Александров, tr. Aleksandr Vasil’evič Aleksandrov; 13 Aprilis 1883 – 8 Iulii 1946) fuit musicae compositor et syntonarius Russicus Sovieticus, anno 1937 titulo Artificis Popularis URSS ornatus. Creator est musicae hymni Unionis Sovieticae, qua nunc ut musica hymni Russiae utitur.
Biographia
[recensere | fontem recensere]Alexander Basilii filius Alexandrov natus est 13 Aprilis (1 Aprilis Calendarii Iuliani) anni 1883 in vico Plachino gubernii Resanensis Imperii Russici. Anno 1892 Petropolim venit, ibi ad annum 1897 erat cantor templi. Annis 1900 – 1902 in Conservatorio Petropolitano studebat. Annis 1906 – 1909 Tueriae colebat, erat syntonarius chori cantorum ecclesiastici, atque in certis institutibus educationis laborabat. Anno 1909 Alexandrov incepit studium suum in Conservatorio Moscuensi, ubi nonnullos annos post suas probationes summales prospere sustinuit. Annis 1913 – 1916 ille denuo Tueriae laborabat, in qua urbe scholam musicalem condidit et administrabat. Ab anno 1918 Alexandrov in Conservatorio Moscuensi docebat (ibi ab anno 1922 erat professor, ab anno 1925 cathedram chori cantorum administrabat, annis 1929 – 1936 vicarius decani facultatis syntonariorum militarium et annis 1932 – 1934 decanus facultatis syntonariorum erat). Eodem tempore etiam aliis locis laborabat, e.g., annis 1918 – 1922 erat syntonarius chori templi Christi Salvatoris (Moscuae locati), annis 1922 – 1930 erat syntonarius et praefectus chororum in theatris Moscuensis.
Anno 1928 Alexander Alexandrov condidit Gregem cantionis Exercitus Rubri (qui dein erat Grex cantionis et saltationis Exercitus Sovietici, nunc est Grex cantionis et saltationis Exercitus Russici, in honorem conditoris sui nominatur ab anno 1946), cuius praefectus ad mortem suam mansit. Grex ille factus est popularis, fuit specimen pro creatione aliorum gregum cantionis et saltationis. Tempore Belli Magni Patrii Alexandrov cum grege suo plus milia concentuum pro milibus Sovieticis in fronte perfecit.
Alexander Alexandrov mortuus est (infarctus causa) Berolini die 8 Iulii anni 1946, tempore peregrinationis gregis sui.
Creatura musicalis
[recensere | fontem recensere]Alexander Alexandrov creavit musicam ut plurimum pro cantionibus militaribus patrioticis, quorum sunt, e.g., Sacrum Bellum («Священная война», opus notabilissimum, anno 1941 creatum), Cantio de Exercitu Sovietico («Песня о Советской Армии», 1943), Cantio Victoriae («Песня Победы», 1945), Pro magna terra Sovietica («За великую землю Советскую»), Quatite de caelo, aeroplana («Бейте с неба, самолёты»), etc. Etiam perfecit adaptationem multorum carminum popularium, ut a choro cantentur.
Alexandrov est auctor musicae Hymni Unionis Sovieticae (anno 1943 accepti), cuius basis est melodia Hymni Factionis Bolsevicorum, ab eo compositore creata anno 1939 (quo anno Alexandrov factus est membrum factionis illius). Nunc musica illa pro Hymno Russiae utitur.
Alexander Alexandrov pro operibus suis affectus est praemiis (e.g., Praemio Staliniano bis accepit). Anno 1937 datus est titulo artificis popilaris URSS.
Fontes
[recensere | fontem recensere]- Pagina de Alexandro Alexandrov Encyclopaediae Sovieticae Magnae editionis tertiae (Russice)
- Alexander Alexandrov: chronologia vitae compositoris e situ Gregis cantionis et saltationis Exercitus Russici (Russice)
- Alexander Alexandrov: pagina de compositore e situ Ministerii Defensionis Russiae (Russice)
- Alexander Alexandrov: pagina de compositore e situ Sepulcra celebritatum. Necropolis virtualis (Russice)
Nexus externi
[recensere | fontem recensere]![]() |
Vicimedia Communia plura habent quae ad Alexandrum Alexandrov spectant. |
- Pagina Encyclopaediae Russicae Magnae de Alexandro Alexandrov filioque eius Bori (Russice)
- "Sacrum Bellum" (cum latinis subtitulis).