A cervesia ad tomaculum

Index semitarum

Plagae in semita

Lupus gigans pictus.

A cervesia ad tomaculum (Theodisce: Vom Bier zur Bratwurst) est semita culturalis, gastronomica et geologica chiliometrorum XVI itu redituque inter Arnstadium et Amt Wassemburgum^(de)-Holtzhusam in Circulo Ilm.

Descriptio

Iter circulare braxatorium Stadtbrauerei cum Museo tomaculorum Germanico unificat. In via valde amoena, quae saepe pictorem Ottonem Knöpfer inspiraverat, artificia plastica Christophori Hodgson admirari possunt. Unionem inter circumiecta pulchra et artem culinarem regionalem personant. In stationibus septem informaberis de historia et fecunditate terrarum colendarum, quas esse traditionum culinarium fundamentum nemo negaverit. Caelum benignum iam ante multa saecula gentes ad Thuringiam allexerat. Migratores simulatque pedes moverunt geographiam patriae et speculas captantes omnes in regiones caeli (ad Burgum Drei Gleichen, ad Silvam Thuringiensem, Arnstadium, Erfordiam) cognoscunt. Florum bestiolarumque varietas in semitae margine gaudia porro locupletat. Mensibus ab Aprili ad Augustum migrationes publicae duce perito offeruntur.

Stationes

Recommandatur sistere ad septem stationes in via cum artificiis plasticis haud foedis et tabulis informatoriis. Earum terminos definiunt:

1. Gigans cervesia apud officinam cerevisiariam Arnstadiensem (ubi et xenodochium et aula urbana festiva)
2. Cochlear gigantis (lapide arenoso)
3. Gigans lupus (in campo ubi olim lupum colebant)
4. Gigans rapum
5. Gigans tomaculum (quod intrare potes) apud museum; antea itur in via ubi dissaeptum orbiculatum cum magna salsicia lignea in paniculo
6. Gigans craticium ad Viam cupri
7. Gigans abbatis ferula (ad abbatiam pristinam haud procul a Fano Mariae Virginis sitam, ubi primum praeceptum de botulis faciendis totius Thuringiae inventum est)

Hominibus cultum atque humanitatem diligentibus proponitur ut insuper visitent:

• centrum historicum Arnstadii
• aream experimentorum archaeologicorum ad Haarhausen
• Castellum Wachsenburg ad Holtzhusam
• Domum Knöpfer ad Holtzhusam
• Vivarium phasianorum Arnstadiense
• Monasterii Sanctae Walpurgis vestigia in monte Arnstadii meridiano

Nexus externi

Vicimedia Communia plura habent quae ad semitam A cervesia ad tomaculum spectant.

• De semita nostra in paginis periegeticis
• Praesentatio semita anno 2012, ubi feliciter coeunt gaudia, praeconia, educatio
• Semita in mappa geographica
• Folium plicatile de semita culturali