Trimeter iambicus

Trimeter iambicus est versus Graecus et Latinus usitatissimus, quem Iambographi antiqui, ut Archilochus et Semonides, uti solebant, et quo tragoediae et comoediae dialogi componuntur, praeter versificatas fabularum Aesopicarum narrationes aliaque artis genera.

Non iambus simplex unum metrum habetur, sed dipodia (vel syzygia, συζυγία) iambica; trimeter tribis dipodiis iambicis compositus est. Dipodiae syllaba prima non brevis, sed anceps habetur; caesuram saepe post secundam ancipitem trimeter iambicus habet:

× – ⏑ – × | – ⏑ – × – ⏑ ×

πόλλ' οἶδ' ἀλώπηξ, | ἀλλ' ἐχῖνος ἓν μέγα.

Margites, frg. 4b.

Solutiones

Syllabae longae trimetri solvi possunt, id est duobus brevibus substitui:

⏑ – ⏑ – – | ⏑⏑ ⏑ – ⏑ – ⏑ ×

πρὸ τῶνδε φωνεῖν· τίνι τρόπῳ καθέστατε...

Sophocles, Oedipus rex 11.

Syllaba longa tertia hic soluta est.

In comoedia etiam ancipites solvuntur (sed non ante longam solutam, proceleusmaticus prohibitus est):

⏑⏑ – ⏑ – – | – ⏑ – ⏑ – ⏑ ×

ἐπίδηλον ἡμῖν τοῖς προσώποισιν ποεῖν...

Aristophanes, Equites 38.

Anceps prima hic soluta est.

Variis limitationibus solutiones stringuntur, quae a iambographis vetustioribus ad Plautum laxantur; nam in palliata etiam pro brevi duae breves ponuntur.

Variationes

Trimeter catalecticus est versus lyricus rarus, quem ex Alcmano et ex epodis Archilochi novimus. Ei syllaba ultima deest:

× – ⏑ – × – ⏑ – ⏑ – ×

κλίναι μὲν ἑπτὰ καὶ τόσαι τραπέσδαι...

Alcman, frg. 19.

Choliambus est alia trimetri forma mutata.

Nexus interni

• Tetrameter iambicus

Nexus externi

• Willem Johann Wolff Koster, Traité de métrique grecque ; suivi d'un Précis de métrique latine, Lugduni Batavorum, Sijthoff, 1936.