Televistrum

Televistrum,^[1] vel televisorium^[2]^[3], est instrumentum quod monitrum, megaphona, et receptrum^[4] frequentiae MHz coniungit ad transmissiones televisuales ostendendas.

Introducta anno 1920 forma mechanica, televistra celeberrima facta sunt post Bellum Orbis Terrarum II forma electronica per tubi cathodici artem. Primae imagines erant nigrae et albae. Colores additi sunt anno 1953.

Decade 1960-1970, cum televistrorum fama crevisset, antennae factae sunt consuetae partes domuum suburbiorum.

Decade 1970-1980, assiduitas televistrorum expedivit eorum usuram ad primas taenias magneticas spectandas – e.g. Betamax, VHS – in quarum locum postea Disci Versatiles Digitales (DVD) substituti sunt.

Decade 1980-1990, cum primae generationes computatrorum domesticorum (e.g. Timex Sinclair 1000) ac ludorum electronicorum (e.g. Atari) nascerentur, televistra adhibita sunt monitra.

Novo millennio ineunte, arte crystallorum liquidorum exculta, monitrum planum in locum tubi cathodici substitutum est.

Recentia televistra crystallis liquidis idonea sunt ad pelliculas alta definitione (720p, 1080i, 1080p, 4K, 8K), etiam e memoria USB, reddendas.

Decade 2010-2020, pleraque televistra resolutionem 4K et 8K praebebant.

Nexus interni

↑ Pekkanen, Tuomo; Pitkäranta, Reijo (2006). Lexicon hodiernae Latinitatis Finno-Latino-Finnicum. Societas pro Finnicis Litteris. ISBN 9789517467476
↑ Traupman, Ioannes C. (2007). The New College Latin and English Dictionary. Novi Eboraci: Bantam Books. p. 677, s.v. television. ISBN 9780553132526
↑ Ebbe Vilborg, Norstedts svensk-latinska ordbok, editio secunda (2009).
↑ De nomine Latino receptri, vide Corbeil, Jean-Claude; Archambault, Ariane (2003). Vocabula astronomica ex Orbe Picto pentaglotto excerpta et Latinê reddita: pars prima. Stuttgart: Ernst Klett Sprachen [archivum].

Vicimedia Communia plura habent quae ad televisionem spectant.

Vicimedia Communia plura habent quae ad televistra spectant.