Meritocratia

E Vicipaedia
Salire ad: navigationem, quaerere

Meritocratia[1][2] (vox ficta usu vocabuli Latini meriti et elementi Graeci terminalis -κρατία, potestatem significantis -quamquam puriore Latinitate meriticratia dici potius debuit[3]-) est notio systematis socialis ac politici, quo munera concredantur atque honores deferantur secundum rationes ad merita, quae demonstrari possint, ad peritias, ad indoles hominum pertinentes. Meritocratiae fautores hoc systema utile esse contendunt ad efficacitatem operum ac nisuum humanorum provehendam et ad aequitatem in hominum societate fovendam, cum, meritocratia vigente, non natales, non opes, non amicitiae, non consanguinitates vel adfinitates in muneribus singulis hominibus committendis respiciantur, sed potius virtutes atque ingenia.

Meritocratiae notio, hoc fere verbo diversis linguis aptato expressa (incipiendo a vocabulo Anglico "meritocracy" primum anno 1958, quod nobis constet, edito), altera dimidia saeculi XX parte orta ac diffusa est; consilia tamen talia, quae hodie meritocratica appellare possimus, variis temporibus variisque in orbis terrarum partibus antea capta erant.

Notae[recensere | fontem recensere]

  1. Lexicon recentioris Latinitatis Blasii Amata
  2. Vox latina, Vol. 38, Nº 150, 2002, pp. 595-597
  3. Vide disputationem.

Roman numeral 10000 CC DD.svg