Isaac Asimov

Isaac Asimov
Isaac Asimov
Anno 1965o
Natus	2 Ianuarii 1920 Petrovicii in Russia
Obiit	6 Aprilis 1992 Novi Eboraci in CFA

Isaac Asimov scriptor fuit Americanus ex CFA origine Russus. Russice olim nomen Исаак Озимов fuit, nunc autem Russice Айзек Азимов reditum est.

Parentes Iudaei fuerunt. Cum filio semper Lingua Iudaeogermanica loquebantur vel Anglice, itaque numquam linguam Russicam didicit. Parentes cum filio tres annos nato in CFA emigraverunt.

Permultos libros scripsit exempli gratia de rerum naturalium scientiis. Notissimus est ob mythistorias rerum futurarum, in quibus de robotis civitatibusque futuris late narravit. Suis in scriptis Asimov praeclaras "tres leges robotorum" creavit:

LEX PRIMA: Robotum nullum homini nocere potest, neque sinere ut auxilio omisso homo noceatur. LEX SECUNDA: Robotum quodque homini oboedire debet, prima lege non obstante. LEX TERTIA: Robotum quodque se defendere potest, prima et secunda lege non obstantibus.

Opera

Celebres sunt tres libri seu trilogia qua de "opere fundato" narratur:

• De opere fundato: Foundation (1951), ISBN 0-553-29335-4
• De opere fundato et imperio Galactico: Foundation and Empire (1952), ISBN 0-553-29337-0
• De altero opere fundato: Second Foundation (1953), ISBN 0-553-29336-2